בהעלותך - כולל פירוש אונקולוס
 
ספר במדבר, מפרק ח' פסוק א עד פרק י"ב פסוק טז
 
ח,א וַיְדַבֵּר יְהוָה, אֶל-מֹשֶׁה לֵּאמֹר. וּמַלֵּיל יְיָ, עִם מֹשֶׁה לְמֵימַר.
ח,ב דַּבֵּר, אֶל-אַהֲרֹן, וְאָמַרְתָּ, אֵלָיו: בְּהַעֲלֹתְךָ, אֶת-הַנֵּרֹת, אֶל-מוּל פְּנֵי הַמְּנוֹרָה, יָאִירוּ שִׁבְעַת הַנֵּרוֹת. מַלֵּיל, עִם אַהֲרוֹן, וְתֵימַר, לֵיהּ: בְּאַדְלָקוּתָךְ, יָת בּוֹצִינַיָּא, לָקֳבֵיל אַפֵּי מְנָרְתָא, יְהוֹן מְנָהֲרִין שִׁבְעָא בּוֹצִינַיָּא.
ח,ג וַיַּעַשׂ כֵּן, אַהֲרֹן--אֶל-מוּל פְּנֵי הַמְּנוֹרָה, הֶעֱלָה נֵרֹתֶיהָ: כַּאֲשֶׁר צִוָּה יְהוָה, אֶת-מֹשֶׁה. וַעֲבַד כֵּין, אַהֲרוֹן--לָקֳבֵיל אַפֵּי מְנָרְתָא, אַדְלֵיק בּוֹצִינַהָא: כְּמָא דְּפַקֵּיד יְיָ, יָת מֹשֶׁה.
ח,ד וְזֶה מַעֲשֵׂה הַמְּנֹרָה מִקְשָׁה זָהָב, עַד-יְרֵכָהּ עַד-פִּרְחָהּ מִקְשָׁה הִוא: כַּמַּרְאֶה, אֲשֶׁר הֶרְאָה יְהוָה אֶת-מֹשֶׁה--כֵּן עָשָׂה, אֶת-הַמְּנֹרָה. {פ} וְדֵין עוֹבָד מְנָרְתָא נְגִידָא דְּהַב, עַד שִׁדַּהּ עַד שׁוֹשַׁנַּהּ נְגִידָא הִיא: כְּחֶזְוָא, דְּאַחְזִי יְיָ יָת מֹשֶׁה--כֵּין עֲבַד, יָת מְנָרְתָא. {פ}
ח,ה וַיְדַבֵּר יְהוָה, אֶל-מֹשֶׁה לֵּאמֹר. וּמַלֵּיל יְיָ, עִם מֹשֶׁה לְמֵימַר.
ח,ו קַח, אֶת-הַלְוִיִּם, מִתּוֹךְ, בְּנֵי יִשְׂרָאֵל; וְטִהַרְתָּ, אֹתָם. קָרֵיב, יָת לֵיוָאֵי, מִגּוֹ, בְּנֵי יִשְׂרָאֵל; וּתְדַכֵּי, יָתְהוֹן.
ח,ז וְכֹה-תַעֲשֶׂה לָהֶם לְטַהֲרָם, הַזֵּה עֲלֵיהֶם מֵי חַטָּאת; וְהֶעֱבִירוּ תַעַר עַל-כָּל-בְּשָׂרָם, וְכִבְּסוּ בִגְדֵיהֶם וְהִטֶּהָרוּ. וּכְדֵין תַּעֲבֵיד לְהוֹן לְדַכּוֹאֵיהוֹן, אַדִּי עֲלֵיהוֹן מַיָּא דְּחַטָּתָא; וְיַעְבְּרוּן מַסְפַּר עַל כָּל בִּסְרְהוֹן, וִיחַוְּרוּן לְבוּשֵׁיהוֹן וְיִדְכּוֹן.
ח,ח וְלָקְחוּ, פַּר בֶּן-בָּקָר, וּמִנְחָתוֹ, סֹלֶת בְּלוּלָה בַשָּׁמֶן; וּפַר-שֵׁנִי בֶן-בָּקָר, תִּקַּח לְחַטָּאת. וְיִסְּבוּן, תּוֹר בַּר תּוֹרֵי, וּמִנְחָתֵיהּ, סֻלְתָּא דְּפִילָא בִּמְשַׁח; וְתוֹר תִּנְיָן בַּר תּוֹרֵי, תִּסַּב לְחַטָּתָא.
ח,ט וְהִקְרַבְתָּ, אֶת-הַלְוִיִּם, לִפְנֵי, אֹהֶל מוֹעֵד; וְהִקְהַלְתָּ--אֶת-כָּל-עֲדַת, בְּנֵי יִשְׂרָאֵל. וּתְקָרֵיב, יָת לֵיוָאֵי, קֳדָם, מַשְׁכַּן זִמְנָא; וְתִכְנוֹשׁ--יָת כָּל כְּנִשְׁתָּא, דִּבְנֵי יִשְׂרָאֵל.
ח,י וְהִקְרַבְתָּ אֶת-הַלְוִיִּם, לִפְנֵי יְהוָה; וְסָמְכוּ בְנֵי-יִשְׂרָאֵל אֶת-יְדֵיהֶם, עַל-הַלְוִיִּם. וּתְקָרֵיב יָת לֵיוָאֵי, קֳדָם יְיָ; וְיִסְמְכוּן בְּנֵי יִשְׂרָאֵל יָת יְדֵיהוֹן, עַל לֵיוָאֵי.
ח,יא וְהֵנִיף אַהֲרֹן אֶת-הַלְוִיִּם תְּנוּפָה לִפְנֵי יְהוָה, מֵאֵת בְּנֵי יִשְׂרָאֵל; וְהָיוּ, לַעֲבֹד אֶת-עֲבֹדַת יְהוָה. וִירִים אַהֲרוֹן יָת לֵיוָאֵי אֲרָמָא קֳדָם יְיָ, מִן בְּנֵי יִשְׂרָאֵל; וִיהוֹן, לְמִפְלַח יָת פֻּלְחָנָא דַּייָ.
ח,יב וְהַלְוִיִּם יִסְמְכוּ אֶת-יְדֵיהֶם, עַל רֹאשׁ הַפָּרִים; וַעֲשֵׂה אֶת-הָאֶחָד חַטָּאת וְאֶת-הָאֶחָד עֹלָה, לַיהוָה, לְכַפֵּר, עַל-הַלְוִיִּם. וְלֵיוָאֵי יִסְמְכוּן יָת יְדֵיהוֹן, עַל רֵישׁ תּוֹרַיָּא; וַעֲבֵיד יָת חַד חַטָּתָא וְיָת חַד עֲלָתָא, קֳדָם יְיָ, לְכַפָּרָא, עַל לֵיוָאֵי.
ח,יג וְהַעֲמַדְתָּ, אֶת-הַלְוִיִּם, לִפְנֵי אַהֲרֹן, וְלִפְנֵי בָנָיו; וְהֵנַפְתָּ אֹתָם תְּנוּפָה, לַיהוָה. וּתְקִים, יָת לֵיוָאֵי, קֳדָם אַהֲרוֹן, וּקְדָם בְּנוֹהִי; וּתְרִים יָתְהוֹן אֲרָמָא, קֳדָם יְיָ.
ח,יד וְהִבְדַּלְתָּ, אֶת-הַלְוִיִּם, מִתּוֹךְ, בְּנֵי יִשְׂרָאֵל; וְהָיוּ לִי, הַלְוִיִּם. וְתַפְרֵישׁ, יָת לֵיוָאֵי, מִגּוֹ, בְּנֵי יִשְׂרָאֵל; וִיהוֹן מְשַׁמְּשִׁין קֳדָמַי, לֵיוָאֵי.
ח,טו וְאַחֲרֵי-כֵן יָבֹאוּ הַלְוִיִּם, לַעֲבֹד אֶת-אֹהֶל מוֹעֵד; וְטִהַרְתָּ אֹתָם, וְהֵנַפְתָּ אֹתָם תְּנוּפָה. וּבָתַר כֵּין יֵיעֲלוּן לֵיוָאֵי, לְמִפְלַח יָת מַשְׁכַּן זִמְנָא; וּתְדַכֵּי יָתְהוֹן, וּתְרִים יָתְהוֹן אֲרָמָא.
ח,טז כִּי נְתֻנִים נְתֻנִים הֵמָּה לִי, מִתּוֹךְ בְּנֵי יִשְׂרָאֵל: תַּחַת פִּטְרַת כָּל-רֶחֶם בְּכוֹר כֹּל, מִבְּנֵי יִשְׂרָאֵל--לָקַחְתִּי אֹתָם, לִי. אֲרֵי אַפְרָשָׁא מֻפְרְשִׁין אִנּוּן קֳדָמַי, מִגּוֹ בְּנֵי יִשְׂרָאֵל: חֲלָף פָּתַח כָּל וַלְדָּא בֻּכְרָא כּוֹלָא, מִבְּנֵי יִשְׂרָאֵל--קָרֵיבִית יָתְהוֹן, קֳדָמָי.
ח,יז כִּי לִי כָל-בְּכוֹר בִּבְנֵי יִשְׂרָאֵל, בָּאָדָם וּבַבְּהֵמָה: בְּיוֹם, הַכֹּתִי כָל-בְּכוֹר בְּאֶרֶץ מִצְרַיִם, הִקְדַּשְׁתִּי אֹתָם, לִי. אֲרֵי דִּילִי כָּל בֻּכְרָא בִּבְנֵי יִשְׂרָאֵל, בַּאֲנָשָׁא וּבִבְעִירָא: בְּיוֹמָא, דִּקְטַלִית כָּל בֻּכְרָא בְּאַרְעָא דְּמִצְרַיִם, אַקְדֵּישִׁית יָתְהוֹן, קֳדָמָי.
ח,יח וָאֶקַּח, אֶת-הַלְוִיִּם, תַּחַת כָּל-בְּכוֹר, בִּבְנֵי יִשְׂרָאֵל. וְקָרֵיבִית, יָת לֵיוָאֵי, חֲלָף כָּל בֻּכְרָא, בִּבְנֵי יִשְׂרָאֵל.
ח,יט וָאֶתְּנָה אֶת-הַלְוִיִּם נְתֻנִים לְאַהֲרֹן וּלְבָנָיו, מִתּוֹךְ בְּנֵי יִשְׂרָאֵל, לַעֲבֹד אֶת-עֲבֹדַת בְּנֵי-יִשְׂרָאֵל בְּאֹהֶל מוֹעֵד, וּלְכַפֵּר עַל-בְּנֵי יִשְׂרָאֵל; וְלֹא יִהְיֶה בִּבְנֵי יִשְׂרָאֵל, נֶגֶף, בְּגֶשֶׁת בְּנֵי-יִשְׂרָאֵל, אֶל-הַקֹּדֶשׁ. וִיהַבִית יָת לֵיוָאֵי מְסִירִין לְאַהֲרוֹן וְלִבְנוֹהִי, מִגּוֹ בְּנֵי יִשְׂרָאֵל, לְמִפְלַח יָת פֻּלְחַן בְּנֵי יִשְׂרָאֵל בְּמַשְׁכַּן זִמְנָא, וּלְכַפָּרָא עַל בְּנֵי יִשְׂרָאֵל; וְלָא יְהֵי בִּבְנֵי יִשְׂרָאֵל, מוֹתָא, בְּמִקְרַב בְּנֵי יִשְׂרָאֵל, לְקֻדְשָׁא.
ח,כ וַיַּעַשׂ מֹשֶׁה וְאַהֲרֹן וְכָל-עֲדַת בְּנֵי-יִשְׂרָאֵל, לַלְוִיִּם: כְּכֹל אֲשֶׁר-צִוָּה יְהוָה אֶת-מֹשֶׁה, לַלְוִיִּם--כֵּן-עָשׂוּ לָהֶם, בְּנֵי יִשְׂרָאֵל. וַעֲבַד מֹשֶׁה וְאַהֲרוֹן וְכָל כְּנִשְׁתָּא דִּבְנֵי יִשְׂרָאֵל, לְלֵיוָאֵי: כְּכֹל דְּפַקֵּיד יְיָ יָת מֹשֶׁה, לְלֵיוָאֵי--כֵּין עֲבַדוּ לְהוֹן, בְּנֵי יִשְׂרָאֵל.
ח,כא וַיִּתְחַטְּאוּ הַלְוִיִּם, וַיְכַבְּסוּ בִּגְדֵיהֶם, וַיָּנֶף אַהֲרֹן אֹתָם תְּנוּפָה, לִפְנֵי יְהוָה; וַיְכַפֵּר עֲלֵיהֶם אַהֲרֹן, לְטַהֲרָם. וְאִדַּכִּיאוּ לֵיוָאֵי, וְחַוַּרוּ לְבוּשֵׁיהוֹן, וַאֲרֵים אַהֲרוֹן יָתְהוֹן אֲרָמָא, קֳדָם יְיָ; וְכַפַּר עֲלֵיהוֹן אַהֲרוֹן, לְדַכּוֹאֵיהוֹן.
ח,כב וְאַחֲרֵי-כֵן בָּאוּ הַלְוִיִּם, לַעֲבֹד אֶת-עֲבֹדָתָם בְּאֹהֶל מוֹעֵד, לִפְנֵי אַהֲרֹן, וְלִפְנֵי בָנָיו: כַּאֲשֶׁר צִוָּה יְהוָה אֶת-מֹשֶׁה עַל-הַלְוִיִּם, כֵּן עָשׂוּ לָהֶם. {ס} וּבָתַר כֵּין עָאלוּ לֵיוָאֵי, לְמִפְלַח יָת פֻּלְחָנְהוֹן בְּמַשְׁכַּן זִמְנָא, קֳדָם אַהֲרוֹן, וּקְדָם בְּנוֹהִי: כְּמָא דְּפַקֵּיד יְיָ יָת מֹשֶׁה עַל לֵיוָאֵי, כֵּין עֲבַדוּ לְהוֹן. {ס}
ח,כג וַיְדַבֵּר יְהוָה, אֶל-מֹשֶׁה לֵּאמֹר. וּמַלֵּיל יְיָ, עִם מֹשֶׁה לְמֵימַר.
ח,כד זֹאת, אֲשֶׁר לַלְוִיִּם: מִבֶּן חָמֵשׁ וְעֶשְׂרִים שָׁנָה, וָמַעְלָה, יָבוֹא לִצְבֹא צָבָא, בַּעֲבֹדַת אֹהֶל מוֹעֵד. דָּא, דִּלְלֵיוָאֵי: מִבַּר עַסְרִין וַחֲמֵישׁ שְׁנִין, וּלְעֵילָא, יֵיתֵי לְחַיָּלָא חֵילָא, בְּפֻלְחַן מַשְׁכַּן זִמְנָא.
ח,כה וּמִבֶּן חֲמִשִּׁים שָׁנָה, יָשׁוּב מִצְּבָא הָעֲבֹדָה; וְלֹא יַעֲבֹד, עוֹד. וּמִבַּר חַמְשִׁין שְׁנִין, יְתוּב מֵחֵיל פֻּלְחָנָא; וְלָא יִפְלַח, עוֹד.
ח,כו וְשֵׁרֵת אֶת-אֶחָיו בְּאֹהֶל מוֹעֵד, לִשְׁמֹר מִשְׁמֶרֶת, וַעֲבֹדָה, לֹא יַעֲבֹד; כָּכָה תַּעֲשֶׂה לַלְוִיִּם, בְּמִשְׁמְרֹתָם. {פ} וִישַׁמֵּישׁ עִם אֲחוֹהִי בְּמַשְׁכַּן זִמְנָא, לְמִטַּר מַטְּרָא, וּפֻלְחָנָא, לָא יִפְלַח; כְּדֵין תַּעֲבֵיד לְלֵיוָאֵי, בְּמַטְּרָתְהוֹן. {פ}
ט,א וַיְדַבֵּר יְהוָה אֶל-מֹשֶׁה בְמִדְבַּר-סִינַי בַּשָּׁנָה הַשֵּׁנִית לְצֵאתָם מֵאֶרֶץ מִצְרַיִם, בַּחֹדֶשׁ הָרִאשׁוֹן--לֵאמֹר. וּמַלֵּיל יְיָ עִם מֹשֶׁה בְּמַדְבְּרָא דְּסִינַי בְּשַׁתָּא תִּנְיֵיתָא לְמִפַּקְהוֹן מֵאַרְעָא דְּמִצְרַיִם, בְּיַרְחָא קַדְמָאָה--לְמֵימַר.
ט,ב וְיַעֲשׂוּ בְנֵי-יִשְׂרָאֵל אֶת-הַפָּסַח, בְּמוֹעֲדוֹ. וְיַעְבְּדוּן בְּנֵי יִשְׂרָאֵל יָת פִּסְחָא, בְּזִמְנֵיהּ.
ט,ג בְּאַרְבָּעָה עָשָׂר-יוֹם בַּחֹדֶשׁ הַזֶּה בֵּין הָעַרְבַּיִם, תַּעֲשׂוּ אֹתוֹ--בְּמֹעֲדוֹ; כְּכָל-חֻקֹּתָיו וּכְכָל-מִשְׁפָּטָיו, תַּעֲשׂוּ אֹתוֹ. בְּאַרְבְּעַת עַסְרָא יוֹמָא בְּיַרְחָא הָדֵין בֵּין שִׁמְשַׁיָּא, תַּעְבְּדוּן יָתֵיהּ--בְּזִמְנֵיהּ; כְּכָל גְּזֵירָתֵיהּ וּכְכָל דְּחָזֵי לֵיהּ, תַּעְבְּדוּן יָתֵיהּ.
ט,ד וַיְדַבֵּר מֹשֶׁה אֶל-בְּנֵי יִשְׂרָאֵל, לַעֲשֹׂת הַפָּסַח. וּמַלֵּיל מֹשֶׁה עִם בְּנֵי יִשְׂרָאֵל, לְמֶעֱבַד פִּסְחָא.
ט,ה וַיַּעֲשׂוּ אֶת-הַפֶּסַח בָּרִאשׁוֹן בְּאַרְבָּעָה עָשָׂר יוֹם לַחֹדֶשׁ, בֵּין הָעַרְבַּיִם--בְּמִדְבַּר סִינָי: כְּכֹל אֲשֶׁר צִוָּה יְהוָה, אֶת-מֹשֶׁה--כֵּן עָשׂוּ, בְּנֵי יִשְׂרָאֵל. וַעֲבַדוּ יָת פִּסְחָא בְּנִיסָן בְּאַרְבְּעַת עַסְרָא יוֹמָא לְיַרְחָא, בֵּין שִׁמְשַׁיָּא--בְּמַדְבְּרָא דְּסִינָי: כְּכֹל דְּפַקֵּיד יְיָ, יָת מֹשֶׁה--כֵּין עֲבַדוּ, בְּנֵי יִשְׂרָאֵל.
ט,ו וַיְהִי אֲנָשִׁים, אֲשֶׁר הָיוּ טְמֵאִים לְנֶפֶשׁ אָדָם, וְלֹא-יָכְלוּ לַעֲשֹׂת-הַפֶּסַח, בַּיּוֹם הַהוּא; וַיִּקְרְבוּ לִפְנֵי מֹשֶׁה, וְלִפְנֵי אַהֲרֹן--בַּיּוֹם הַהוּא. וַהֲווֹ גֻּבְרַיָּא, דַּהֲווֹ מְסָאֲבִין לִטְמֵי נַפְשָׁא דַּאֲנָשָׁא, וְלָא יְכִילוּ לְמֶעֱבַד פִּסְחָא, בְּיוֹמָא הַהוּא; וּקְרִיבוּ קֳדָם מֹשֶׁה, וּקְדָם אַהֲרוֹן--בְּיוֹמָא הַהוּא.
ט,ז וַיֹּאמְרוּ הָאֲנָשִׁים הָהֵמָּה, אֵלָיו, אֲנַחְנוּ טְמֵאִים, לְנֶפֶשׁ אָדָם; לָמָּה נִגָּרַע, לְבִלְתִּי הַקְרִיב אֶת-קָרְבַּן יְהוָה בְּמֹעֲדוֹ, בְּתוֹךְ, בְּנֵי יִשְׂרָאֵל. וַאֲמַרוּ גֻּבְרַיָּא הָאִנּוּן, לֵיהּ, אֲנַחְנָא מְסָאֲבִין, לִטְמֵי נַפְשָׁא דַּאֲנָשָׁא; לְמָא נִתְמְנַע, בְּדִיל דְּלָא לְקָרָבָא יָת קֻרְבָּנָא דַּייָ בְּזִמְנֵיהּ, בְּגוֹ, בְּנֵי יִשְׂרָאֵל.
ט,ח וַיֹּאמֶר אֲלֵהֶם, מֹשֶׁה: עִמְדוּ וְאֶשְׁמְעָה, מַה-יְצַוֶּה יְהוָה לָכֶם. {פ} וַאֲמַר לְהוֹן, מֹשֶׁה: אוֹרִיכוּ עַד דְּאֶשְׁמַע, מָא דְּאֶתְפַּקַּד מִן קֳדָם יְיָ עַל דִּילְכוֹן. {פ}
ט,ט וַיְדַבֵּר יְהוָה, אֶל-מֹשֶׁה לֵּאמֹר. וּמַלֵּיל יְיָ, עִם מֹשֶׁה לְמֵימַר.
ט,י דַּבֵּר אֶל-בְּנֵי יִשְׂרָאֵל, לֵאמֹר: אִישׁ אִישׁ כִּי-יִהְיֶה-טָמֵא לָנֶפֶשׁ אוֹ בְדֶרֶךְ רְחֹקָה לָכֶם, אוֹ לְדֹרֹתֵיכֶם, וְעָשָׂה פֶסַח, לַיהוָה. מַלֵּיל עִם בְּנֵי יִשְׂרָאֵל, לְמֵימַר: גְּבַר גְּבַר אֲרֵי יְהֵי מְסָאַב לִטְמֵי נַפְשָׁא דַּאֲנָשָׁא אוֹ בְּאוֹרַח רַחִיקָא לְכוֹן, אוֹ לְדָרֵיכוֹן, וְיַעֲבֵיד פִּסְחָא, קֳדָם יְיָ.
ט,יא בַּחֹדֶשׁ הַשֵּׁנִי בְּאַרְבָּעָה עָשָׂר יוֹם, בֵּין הָעַרְבַּיִם--יַעֲשׂוּ אֹתוֹ: עַל-מַצּוֹת וּמְרֹרִים, יֹאכְלֻהוּ. בְּיַרְחָא תִּנְיָנָא בְּאַרְבְּעַת עַסְרָא יוֹמָא, בֵּין שִׁמְשַׁיָּא--יַעְבְּדוּן יָתֵיהּ: עַל פַּטִּיר וּמְרָרִין, יֵיכְלוּנֵּיהּ.
ט,יב לֹא-יַשְׁאִירוּ מִמֶּנּוּ עַד-בֹּקֶר, וְעֶצֶם לֹא יִשְׁבְּרוּ-בוֹ; כְּכָל-חֻקַּת הַפֶּסַח, יַעֲשׂוּ אֹתוֹ. לָא יַשְׁאֲרוּן מִנֵּיהּ עַד צַפְרָא, וְגַרְמָא לָא יִתְבְּרוּן בֵּיהּ; כְּכָל גְּזֵירַת פִּסְחָא, יַעְבְּדוּן יָתֵיהּ.
ט,יג וְהָאִישׁ אֲשֶׁר-הוּא טָהוֹר וּבְדֶרֶךְ לֹא-הָיָה, וְחָדַל לַעֲשׂוֹת הַפֶּסַח--וְנִכְרְתָה הַנֶּפֶשׁ הַהִוא, מֵעַמֶּיהָ: כִּי קָרְבַּן יְהוָה, לֹא הִקְרִיב בְּמֹעֲדוֹ--חֶטְאוֹ יִשָּׂא, הָאִישׁ הַהוּא. וְגֻבְרָא דְּהוּא דְּכֵי וּבְאוֹרַח לָא הֲוָה, וְיִתְמְנַע מִלְּמֶעֱבַד פִּסְחָא--וְיִשְׁתֵּיצֵי אֲנָשָׁא הַהוּא, מֵעַמֵּיהּ: אֲרֵי קֻרְבָּנָא דַּייָ, לָא קָרֵיב בְּזִמְנֵיהּ--חוֹבֵיהּ יְקַבֵּיל, גֻּבְרָא הַהוּא.
ט,יד וְכִי-יָגוּר אִתְּכֶם גֵּר, וְעָשָׂה פֶסַח לַיהוָה--כְּחֻקַּת הַפֶּסַח וּכְמִשְׁפָּטוֹ, כֵּן יַעֲשֶׂה: חֻקָּה אַחַת יִהְיֶה לָכֶם, וְלַגֵּר וּלְאֶזְרַח הָאָרֶץ. {ס} וַאֲרֵי יִתְגַּיַּר עִמְּכוֹן גִּיּוֹרָא, וְיַעֲבֵיד פִּסְחָא קֳדָם יְיָ--כִּגְזֵירַת פִּסְחָא וּכְדַחְזֵי לֵיהּ, כֵּין יַעֲבֵיד: קְיָמָא חַד יְהֵי לְכוֹן, וּלְגִיּוֹרַיָּא וּלְיַצִּיבַיָּא דְּאַרְעָא. {ס}
ט,טו וּבְיוֹם, הָקִים אֶת-הַמִּשְׁכָּן, כִּסָּה הֶעָנָן אֶת-הַמִּשְׁכָּן, לְאֹהֶל הָעֵדֻת; וּבָעֶרֶב יִהְיֶה עַל-הַמִּשְׁכָּן, כְּמַרְאֵה-אֵשׁ--עַד-בֹּקֶר. וּבְיוֹמָא, דְּאִתָּקַם מַשְׁכְּנָא, חֲפָא עֲנָנָא יָת מַשְׁכְּנָא, לְמַשְׁכְּנָא דְּסָהֲדוּתָא; וּבְרַמְשָׁא הָוֵי עַל מַשְׁכְּנָא, כְּחֵיזוּ אִישָׁתָא--עַד צַפְרָא.
ט,טז כֵּן יִהְיֶה תָמִיד, הֶעָנָן יְכַסֶּנּוּ; וּמַרְאֵה-אֵשׁ, לָיְלָה. כֵּין הָוֵי תְּדִירָא, עֲנָנָא חָפֵי לֵיהּ; וְחֵיזוּ אִישָׁתָא, בְּלֵילְיָא.
ט,יז וּלְפִי הֵעָלוֹת הֶעָנָן, מֵעַל הָאֹהֶל--וְאַחֲרֵי-כֵן, יִסְעוּ בְּנֵי יִשְׂרָאֵל; וּבִמְקוֹם, אֲשֶׁר יִשְׁכָּן-שָׁם הֶעָנָן--שָׁם יַחֲנוּ, בְּנֵי יִשְׂרָאֵל. וּלְפֹם אִסְתַּלָּקוּת עֲנָנָא, מֵעִלָּוֵי מַשְׁכְּנָא--וּבָתַר כֵּין, נָטְלִין בְּנֵי יִשְׂרָאֵל; וּבַאֲתַר, דְּשָׁרֵי תַּמָּן עֲנָנָא--תַּמָּן שָׁרַן, בְּנֵי יִשְׂרָאֵל.
ט,יח עַל-פִּי יְהוָה, יִסְעוּ בְּנֵי יִשְׂרָאֵל, וְעַל-פִּי יְהוָה, יַחֲנוּ: כָּל-יְמֵי, אֲשֶׁר יִשְׁכֹּן הֶעָנָן עַל-הַמִּשְׁכָּן--יַחֲנוּ. עַל מֵימְרָא דַּייָ, נָטְלִין בְּנֵי יִשְׂרָאֵל, וְעַל מֵימְרָא דַּייָ, שָׁרַן: כָּל יוֹמִין, דְּשָׁרֵי עֲנָנָא עַל מַשְׁכְּנָא--שָׁרַן.
ט,יט וּבְהַאֲרִיךְ הֶעָנָן עַל-הַמִּשְׁכָּן, יָמִים רַבִּים--וְשָׁמְרוּ בְנֵי-יִשְׂרָאֵל אֶת-מִשְׁמֶרֶת יְהוָה, וְלֹא יִסָּעוּ. וּבְאוֹרָכוּת עֲנָנָא עַל מַשְׁכְּנָא, יוֹמִין סַגִּיאִין--וְיִטְּרוּן בְּנֵי יִשְׂרָאֵל יָת מַטְּרַת מֵימְרָא דַּייָ, וְלָא נָטְלִין.
ט,כ וְיֵשׁ אֲשֶׁר יִהְיֶה הֶעָנָן, יָמִים מִסְפָּר--עַל-הַמִּשְׁכָּן; עַל-פִּי יְהוָה יַחֲנוּ, וְעַל-פִּי יְהוָה יִסָּעוּ. וְאִית דְּהָוֵי עֲנָנָא, יוֹמִין דְּמִנְיָן--עַל מַשְׁכְּנָא; עַל מֵימְרָא דַּייָ שָׁרַן, וְעַל מֵימְרָא דַּייָ נָטְלִין.
ט,כא וְיֵשׁ אֲשֶׁר-יִהְיֶה הֶעָנָן, מֵעֶרֶב עַד-בֹּקֶר, וְנַעֲלָה הֶעָנָן בַּבֹּקֶר, וְנָסָעוּ; אוֹ יוֹמָם וָלַיְלָה, וְנַעֲלָה הֶעָנָן וְנָסָעוּ. וְאִית דְּהָוֵי עֲנָנָא, מֵרַמְשָׁא עַד צַפְרָא, וּמִסְתַּלַּק עֲנָנָא בְּצַפְרָא, וְנָטְלִין; אוֹ יֵימָם וְלֵילֵי, וּמִסְתַּלַּק עֲנָנָא וְנָטְלִין.
ט,כב אוֹ-יֹמַיִם אוֹ-חֹדֶשׁ אוֹ-יָמִים, בְּהַאֲרִיךְ הֶעָנָן עַל-הַמִּשְׁכָּן לִשְׁכֹּן עָלָיו, יַחֲנוּ בְנֵי-יִשְׂרָאֵל, וְלֹא יִסָּעוּ; וּבְהֵעָלֹתוֹ, יִסָּעוּ. אוֹ תְּרֵין יוֹמִין אוֹ יַרְחָא אוֹ עִדָּן בְּעִדָּן, בְּאוֹרָכוּת עֲנָנָא עַל מַשְׁכְּנָא לְמִשְׁרֵי עֲלוֹהִי, שָׁרַן בְּנֵי יִשְׂרָאֵל, וְלָא נָטְלִין; וּבְאִסְתַּלָּקוּתֵיהּ, נָטְלִין.
ט,כג עַל-פִּי יְהוָה יַחֲנוּ, וְעַל-פִּי יְהוָה יִסָּעוּ: אֶת-מִשְׁמֶרֶת יְהוָה שָׁמָרוּ, עַל-פִּי יְהוָה בְּיַד-מֹשֶׁה. {פ} עַל מֵימְרָא דַּייָ שָׁרַן, וְעַל מֵימְרָא דַּייָ נָטְלִין: יָת מַטְּרַת מֵימְרָא דַּייָ נָטְרִין, עַל מֵימְרָא דַּייָ בִּידָא דְּמֹשֶׁה. {פ}
י,א וַיְדַבֵּר יְהוָה, אֶל-מֹשֶׁה לֵּאמֹר. וּמַלֵּיל יְיָ, עִם מֹשֶׁה לְמֵימַר.
י,ב עֲשֵׂה לְךָ, שְׁתֵּי חֲצוֹצְרֹת כֶּסֶף--מִקְשָׁה, תַּעֲשֶׂה אֹתָם; וְהָיוּ לְךָ לְמִקְרָא הָעֵדָה, וּלְמַסַּע אֶת-הַמַּחֲנוֹת. עֲבֵיד לָךְ, תַּרְתֵּין חֲצוֹצְרָן דִּכְסַף--נְגִיד, תַּעֲבֵיד יָתְהוֹן; וְיִהְוְיָן לָךְ לְעָרָעָא כְּנִשְׁתָּא, וּלְאַטָּלָא יָת מַשְׁרְיָתָא.
י,ג וְתָקְעוּ, בָּהֵן--וְנוֹעֲדוּ אֵלֶיךָ כָּל-הָעֵדָה, אֶל-פֶּתַח אֹהֶל מוֹעֵד. וְיִתְקְעוּן, בְּהוֹן--וְיִזְדָּמְנוּן לְוָתָךְ כָּל כְּנִשְׁתָּא, לִתְרַע מַשְׁכַּן זִמְנָא.
י,ד וְאִם-בְּאַחַת, יִתְקָעוּ--וְנוֹעֲדוּ אֵלֶיךָ הַנְּשִׂיאִים, רָאשֵׁי אַלְפֵי יִשְׂרָאֵל. וְאִם בַּחֲדָא, יִתְקְעוּן--וְיִזְדָּמְנוּן לְוָתָךְ רַבְרְבַיָּא, רֵישֵׁי אַלְפַיָּא דְּיִשְׂרָאֵל.
י,ה וּתְקַעְתֶּם, תְּרוּעָה--וְנָסְעוּ, הַמַּחֲנוֹת, הַחֹנִים, קֵדְמָה. וְתִתְקְעוּן, יַבָּבְתָא--וְיִטְּלוּן, מַשְׁרְיָתָא, דְּשָׁרַן, קִדּוּמָא.
י,ו וּתְקַעְתֶּם תְּרוּעָה, שֵׁנִית--וְנָסְעוּ הַמַּחֲנוֹת, הַחֹנִים תֵּימָנָה; תְּרוּעָה יִתְקְעוּ, לְמַסְעֵיהֶם. וְתִתְקְעוּן יַבָּבְתָא, תִּנְיָנוּת--וְיִטְּלוּן מַשְׁרְיָתָא, דְּשָׁרַן דָּרוֹמָא; יַבָּבְתָא יִתְקְעוּן, לְמַטְּלָנֵיהוֹן.
י,ז וּבְהַקְהִיל, אֶת-הַקָּהָל--תִּתְקְעוּ, וְלֹא תָרִיעוּ. וּבְמִכְנַשׁ, יָת קְהָלָא--תִּתְקְעוּן, וְלָא תְּיַבְּבוּן.
י,ח וּבְנֵי אַהֲרֹן הַכֹּהֲנִים, יִתְקְעוּ בַּחֲצֹצְרוֹת; וְהָיוּ לָכֶם לְחֻקַּת עוֹלָם, לְדֹרֹתֵיכֶם. וּבְנֵי אַהֲרוֹן כָּהֲנַיָּא, יִתְקְעוּן בַּחֲצוֹצְרָתָא; וִיהוֹן לְכוֹן לִקְיָם עָלַם, לְדָרֵיכוֹן.
י,ט וְכִי-תָבֹאוּ מִלְחָמָה בְּאַרְצְכֶם, עַל-הַצַּר הַצֹּרֵר אֶתְכֶם--וַהֲרֵעֹתֶם, בַּחֲצֹצְרֹת; וְנִזְכַּרְתֶּם, לִפְנֵי יְהוָה אֱלֹהֵיכֶם, וְנוֹשַׁעְתֶּם, מֵאֹיְבֵיכֶם. וַאֲרֵי תֵּיעֲלוּן לְאָגָחָא קְרָבָא בַּאֲרַעְכוֹן, עַל מָעִיקֵי דִּמְעִיקִין לְכוֹן--וּתְיַבְּבוּן, בַּחֲצוֹצְרָתָא; וְיֵיעוֹל דֻּכְרָנְכוֹן לְטָבָא, קֳדָם יְיָ אֱלָהֲכוֹן, וְתִתְפַּרְקוּן, מִסָּנְאֵיכוֹן.
י,י וּבְיוֹם שִׂמְחַתְכֶם וּבְמוֹעֲדֵיכֶם, וּבְרָאשֵׁי חָדְשֵׁיכֶם--וּתְקַעְתֶּם בַּחֲצֹצְרֹת עַל עֹלֹתֵיכֶם, וְעַל זִבְחֵי שַׁלְמֵיכֶם; וְהָיוּ לָכֶם לְזִכָּרוֹן לִפְנֵי אֱלֹהֵיכֶם, אֲנִי יְהוָה אֱלֹהֵיכֶם. {פ} וּבְיוֹם חֶדְוַתְכוֹן וּבְמוֹעֲדֵיכוֹן, וּבְרֵישֵׁי יַרְחֵיכוֹן--וְתִתְקְעוּן בַּחֲצוֹצְרָתָא עַל עֲלָוָתְכוֹן, וְעַל נִכְסַת קֻדְשֵׁיכוֹן; וִיהוֹן לְכוֹן לְדֻכְרָנָא קֳדָם אֱלָהֲכוֹן, אֲנָא יְיָ אֱלָהֲכוֹן. {פ}
י,יא וַיְהִי בַּשָּׁנָה הַשֵּׁנִית, בַּחֹדֶשׁ הַשֵּׁנִי--בְּעֶשְׂרִים בַּחֹדֶשׁ; נַעֲלָה, הֶעָנָן, מֵעַל, מִשְׁכַּן הָעֵדֻת. וַהֲוָה בְּשַׁתָּא תִּנְיֵיתָא, בְּיַרְחָא תִּנְיָנָא--בְּעַסְרִין בְּיַרְחָא; אִסְתַּלַּק, עֲנָנָא, מֵעִלָּוֵי, מַשְׁכְּנָא דְּסָהֲדוּתָא.
י,יב וַיִּסְעוּ בְנֵי-יִשְׂרָאֵל לְמַסְעֵיהֶם, מִמִּדְבַּר סִינָי; וַיִּשְׁכֹּן הֶעָנָן, בְּמִדְבַּר פָּארָן. וּנְטַלוּ בְּנֵי יִשְׂרָאֵל לְמַטְּלָנֵיהוֹן, מִמַּדְבְּרָא דְּסִינָי; וּשְׁרָא עֲנָנָא, בְּמַדְבְּרָא דְּפָארָן.
י,יג וַיִּסְעוּ, בָּרִאשֹׁנָה, עַל-פִּי יְהוָה, בְּיַד-מֹשֶׁה. וּנְטַלוּ, בְּקַדְמֵיתָא, עַל מֵימְרָא דַּייָ, בִּידָא דְּמֹשֶׁה.
י,יד וַיִּסַּע דֶּגֶל מַחֲנֵה בְנֵי-יְהוּדָה, בָּרִאשֹׁנָה--לְצִבְאֹתָם; וְעַל-צְבָאוֹ--נַחְשׁוֹן, בֶּן-עַמִּינָדָב. וּנְטַל טֵיקַס מַשְׁרִית בְּנֵי יְהוּדָה, בְּקַדְמֵיתָא--לְחֵילֵיהוֹן; וְעַל חֵילֵיהּ--נַחְשׁוֹן, בַּר עַמִּינָדָב.
י,טו וְעַל-צְבָא--מַטֵּה, בְּנֵי יִשָּׂשכָר: נְתַנְאֵל, בֶּן-צוּעָר. וְעַל חֵילָא--דְּשִׁבְטָא, דִּבְנֵי יִשָּׂשכָר: נְתַנְאֵל, בַּר צוּעָר.
י,טז וְעַל-צְבָא--מַטֵּה, בְּנֵי זְבוּלֻן: אֱלִיאָב, בֶּן-חֵלֹן. וְעַל חֵילָא--דְּשִׁבְטָא, דִּבְנֵי זְבוּלוּן: אֱלִיאָב, בַּר חֵילוֹן.
י,יז וְהוּרַד, הַמִּשְׁכָּן; וְנָסְעוּ בְנֵי-גֵרְשׁוֹן וּבְנֵי מְרָרִי, נֹשְׂאֵי הַמִּשְׁכָּן. וּמִתְפָּרַק, מַשְׁכְּנָא; וְנָטְלִין בְּנֵי גֵּרְשׁוֹן וּבְנֵי מְרָרִי, נָטְלֵי מַשְׁכְּנָא.
י,יח וְנָסַע, דֶּגֶל מַחֲנֵה רְאוּבֵן--לְצִבְאֹתָם; וְעַל-צְבָאוֹ--אֱלִיצוּר, בֶּן-שְׁדֵיאוּר. וְנָטֵיל, טֵיקַס מַשְׁרִית רְאוּבֵן--לְחֵילֵיהוֹן; וְעַל חֵילֵיהּ--אֱלִיצוּר, בַּר שְׁדֵיאוּר.
י,יט וְעַל-צְבָא--מַטֵּה, בְּנֵי שִׁמְעוֹן: שְׁלֻמִיאֵל, בֶּן-צוּרִישַׁדָּי. וְעַל חֵילָא--דְּשִׁבְטָא, דִּבְנֵי שִׁמְעוֹן: שְׁלוּמִיאֵל, בַּר צוּרִישַׁדָּי.
י,כ וְעַל-צְבָא, מַטֵּה בְנֵי-גָד: אֶלְיָסָף, בֶּן-דְּעוּאֵל. וְעַל חֵילָא, דְּשִׁבְטָא דִּבְנֵי גָּד: אֶלְיָסָף, בַּר דְּעוּאֵל.
י,כא וְנָסְעוּ, הַקְּהָתִים, נֹשְׂאֵי, הַמִּקְדָּשׁ; וְהֵקִימוּ אֶת-הַמִּשְׁכָּן, עַד-בֹּאָם. וְנָטְלִין, בְּנֵי קְהָת, נָטְלֵי, מַקְדְּשָׁא; וּמְקִימִין יָת מַשְׁכְּנָא, עַד מֵיתֵיהוֹן.
י,כב וְנָסַע, דֶּגֶל מַחֲנֵה בְנֵי-אֶפְרַיִם--לְצִבְאֹתָם; וְעַל-צְבָאוֹ--אֱלִישָׁמָע, בֶּן-עַמִּיהוּד. וְנָטֵיל, טֵיקַס מַשְׁרִית בְּנֵי אֶפְרַיִם--לְחֵילֵיהוֹן; וְעַל חֵילֵיהּ--אֱלִישָׁמָע, בַּר עַמִּיהוּד.
י,כג וְעַל-צְבָא--מַטֵּה, בְּנֵי מְנַשֶּׁה: גַּמְלִיאֵל, בֶּן-פְּדָהצוּר. וְעַל חֵילָא--דְּשִׁבְטָא, דִּבְנֵי מְנַשֶּׁה: גַּמְלִיאֵל, בַּר פְּדָהצוּר.
י,כד וְעַל-צְבָא--מַטֵּה, בְּנֵי בִנְיָמִן: אֲבִידָן, בֶּן-גִּדְעוֹנִי. וְעַל חֵילָא--דְּשִׁבְטָא, דִּבְנֵי בִּנְיָמִין: אֲבִידָן, בַּר גִּדְעוֹנִי.
י,כה וְנָסַע, דֶּגֶל מַחֲנֵה בְנֵי-דָן--מְאַסֵּף לְכָל-הַמַּחֲנֹת, לְצִבְאֹתָם; וְעַל-צְבָאוֹ--אֲחִיעֶזֶר, בֶּן-עַמִּישַׁדָּי. וְנָטֵיל, טֵיקַס מַשְׁרִית בְּנֵי דָּן--מְכַנֵּישׁ לְכָל מַשְׁרְיָתָא, לְחֵילֵיהוֹן; וְעַל חֵילֵיהּ--אֲחִיעֶזֶר, בַּר עַמִּישַׁדָּי.
י,כו וְעַל-צְבָא--מַטֵּה, בְּנֵי אָשֵׁר: פַּגְעִיאֵל, בֶּן-עָכְרָן. וְעַל חֵילָא--דְּשִׁבְטָא, דִּבְנֵי אָשֵׁר: פַּגְעִיאֵל, בַּר עָכְרָן.
י,כז וְעַל-צְבָא--מַטֵּה, בְּנֵי נַפְתָּלִי: אֲחִירַע, בֶּן-עֵינָן. וְעַל חֵילָא--דְּשִׁבְטָא, דִּבְנֵי נַפְתָּלִי: אֲחִירַע, בַּר עֵינָן.
י,כח אֵלֶּה מַסְעֵי בְנֵי-יִשְׂרָאֵל, לְצִבְאֹתָם; וַיִּסָּעוּ. {ס} אִלֵּין מַטְּלָנֵי בְּנֵי יִשְׂרָאֵל, לְחֵילֵיהוֹן; וּנְטַלוּ. {ס}
י,כט וַיֹּאמֶר מֹשֶׁה, לְחֹבָב בֶּן-רְעוּאֵל הַמִּדְיָנִי חֹתֵן מֹשֶׁה, נֹסְעִים אֲנַחְנוּ אֶל-הַמָּקוֹם אֲשֶׁר אָמַר יְהוָה, אֹתוֹ אֶתֵּן לָכֶם; לְכָה אִתָּנוּ וְהֵטַבְנוּ לָךְ, כִּי-יְהוָה דִּבֶּר-טוֹב עַל-יִשְׂרָאֵל. וַאֲמַר מֹשֶׁה, לְחוֹבָב בַּר רְעוּאֵל מִדְיַנָאָה חֲמוּהִי דְּמֹשֶׁה, נָטְלִין אֲנַחְנָא לְאַתְרָא דַּאֲמַר יְיָ, יָתֵיהּ אֶתֵּין לְכוֹן; אֵיתַא עִמַּנָא וְנוֹטֵיב לָךְ, אֲרֵי יְיָ מַלֵּיל לְאֵיתָאָה טָבְתָא עַל יִשְׂרָאֵל.
י,ל וַיֹּאמֶר אֵלָיו, לֹא אֵלֵךְ: כִּי אִם-אֶל-אַרְצִי וְאֶל-מוֹלַדְתִּי, אֵלֵךְ. וַאֲמַר לֵיהּ, לָא אֵיזֵיל: אֱלָהֵין לְאַרְעִי וּלְיַלָּדוּתִי, אֵיזֵיל.
י,לא וַיֹּאמֶר, אַל-נָא תַּעֲזֹב אֹתָנוּ: כִּי עַל-כֵּן יָדַעְתָּ, חֲנֹתֵנוּ בַּמִּדְבָּר, וְהָיִיתָ לָּנוּ, לְעֵינָיִם. וַאֲמַר, לָא כְּעַן תִּשְׁבּוֹק יָתַנָא: אֲרֵי עַל כֵּין יְדַעְתָּא, כַּד הֲוֵינָא שָׁרַן בְּמַדְבְּרָא, וּגְבוּרָן דְּאִתְעֲבִידָא לַנָא, חֲזֵיתָא בְּעֵינָךְ.
י,לב וְהָיָה, כִּי-תֵלֵךְ עִמָּנוּ: וְהָיָה הַטּוֹב הַהוּא, אֲשֶׁר יֵיטִיב יְהוָה עִמָּנוּ--וְהֵטַבְנוּ לָךְ. וִיהֵי, אֲרֵי תֵּיזֵיל עִמַּנָא: וִיהֵי טָבָא הַהוּא, דְּיוֹטֵיב יְיָ עִמַּנָא--וְנוֹטֵיב לָךְ.
י,לג וַיִּסְעוּ מֵהַר יְהוָה, דֶּרֶךְ שְׁלֹשֶׁת יָמִים; וַאֲרוֹן בְּרִית-יְהוָה נֹסֵעַ לִפְנֵיהֶם, דֶּרֶךְ שְׁלֹשֶׁת יָמִים, לָתוּר לָהֶם, מְנוּחָה. וּנְטַלוּ מִטּוּרָא דְּאִתְגְּלִי עֲלוֹהִי יְקָרָא דַּייָ, מַהְלַךְ תְּלָתָא יוֹמִין; וַאֲרוֹן קְיָמָא דַּייָ נָטֵיל קֳדָמֵיהוֹן, מַהְלַךְ תְּלָתָא יוֹמִין, לְאַתְקָנָא לְהוֹן, אֲתַר בֵּית מִשְׁרֵי.
י,לד וַעֲנַן יְהוָה עֲלֵיהֶם, יוֹמָם, בְּנָסְעָם, מִן-הַמַּחֲנֶה. {ס} ] {ס} וַעֲנַן יְקָרָא דַּייָ מַטַּל עִלָּוֵיהוֹן, בִּימָמָא, בְּמִטַּלְהוֹן, מִן מַשְׁרִיתָא. {ס} ] {ס}
י,לה וַיְהִי בִּנְסֹעַ הָאָרֹן, וַיֹּאמֶר מֹשֶׁה: קוּמָה יְהוָה, וְיָפֻצוּ אֹיְבֶיךָ, וְיָנֻסוּ מְשַׂנְאֶיךָ, מִפָּנֶיךָ. וַהֲוָה בְּמִטַּל אֲרוֹנָא, וַאֲמַר מֹשֶׁה: אִתְגְּלִי יְיָ, וְיִתְבַּדְּרוּן סָנְאָךְ, וְיִעְרְקוּן בַּעֲלֵי דְּבָבָךְ, מִן קֳדָמָךְ.
י,לו וּבְנֻחֹה, יֹאמַר: שׁוּבָה יְהוָה, רִבְבוֹת אַלְפֵי יִשְׂרָאֵל. {ס} ] {פ} וּבְמִשְׁרוֹהִי, אֲמַר: תּוּב יְיָ, שְׁרִי בִּיקָרָךְ בְּגוֹ רִבְּוָת אַלְפַיָּא דְּיִשְׂרָאֵל. {ס} ] {פ}
יא,א וַיְהִי הָעָם כְּמִתְאֹנְנִים, רַע בְּאָזְנֵי יְהוָה; וַיִּשְׁמַע יְהוָה, וַיִּחַר אַפּוֹ, וַתִּבְעַר-בָּם אֵשׁ יְהוָה, וַתֹּאכַל בִּקְצֵה הַמַּחֲנֶה. וַהֲוָה עַמָּא כַּד מִסְתַּקְּפִין, בִּישׁ קֳדָם יְיָ; וּשְׁמִיעַ קֳדָם יְיָ, וּתְקֵיף רֻגְזֵיהּ, וּדְלֵיקַת בְּהוֹן אִישָׁתָא מִן קֳדָם יְיָ, וְשֵׁיצִיאַת בִּסְיָפֵי מַשְׁרִיתָא.
יא,ב וַיִּצְעַק הָעָם, אֶל-מֹשֶׁה; וַיִּתְפַּלֵּל מֹשֶׁה אֶל-יְהוָה, וַתִּשְׁקַע הָאֵשׁ. וּצְוַח עַמָּא, עַל מֹשֶׁה; וְצַלִּי מֹשֶׁה קֳדָם יְיָ, וְאִשְׁתְּקַעַת אִישָׁתָא.
יא,ג וַיִּקְרָא שֵׁם-הַמָּקוֹם הַהוּא, תַּבְעֵרָה: כִּי-בָעֲרָה בָם, אֵשׁ יְהוָה. וּקְרָא שְׁמֵיהּ דְּאַתְרָא הַהוּא, דְּלֵיקְתָא: אֲרֵי דְּלֵיקַת בְּהוֹן, אִישָׁתָא מִן קֳדָם יְיָ.
יא,ד וְהָאסַפְסֻף אֲשֶׁר בְּקִרְבּוֹ, הִתְאַוּוּ תַּאֲוָה; וַיָּשֻׁבוּ וַיִּבְכּוּ, גַּם בְּנֵי יִשְׂרָאֵל, וַיֹּאמְרוּ, מִי יַאֲכִלֵנוּ בָּשָׂר. וְרַבְרְבִין דְּבֵינֵיהוֹן, שַׁאִילוּ שְׁאֵילְתָא; וְתָבוּ וּבְכוֹ, אַף בְּנֵי יִשְׂרָאֵל, וַאֲמַרוּ, מַאן יוֹכֵילִנַּנָא בִּסְרָא.
יא,ה זָכַרְנוּ, אֶת-הַדָּגָה, אֲשֶׁר-נֹאכַל בְּמִצְרַיִם, חִנָּם; אֵת הַקִּשֻּׁאִים, וְאֵת הָאֲבַטִּחִים, וְאֶת-הֶחָצִיר וְאֶת-הַבְּצָלִים, וְאֶת-הַשּׁוּמִים. דְּכִירִין אֲנַחְנָא, יָת נוּנַיָּא, דַּהֲוֵינָא אָכְלִין בְּמִצְרַיִם, מַגָּן; יָת בּוֹצִינַיָּא, וְיָת אֲבַטִּיחַיָּא, וְכָרָתֵי וּבֻצְלֵי, וְתוּמֵי.
יא,ו וְעַתָּה נַפְשֵׁנוּ יְבֵשָׁה, אֵין כֹּל--בִּלְתִּי, אֶל-הַמָּן עֵינֵינוּ. וּכְעַן נַפְשַׁנָא תְּאִיבָא, לֵית כָּל מִדָּעַם--אֱלָהֵין, לְמַנָּא עֵינַנָא.
יא,ז וְהַמָּן, כִּזְרַע-גַּד הוּא; וְעֵינוֹ, כְּעֵין הַבְּדֹלַח. וּמַנָּא, כְּבַר זְרַע גִּדָּא הוּא; וְחֶזְוֵיהּ, כְּחֵיזוּ בְּדֻלְחָא.
יא,ח שָׁטוּ הָעָם וְלָקְטוּ וְטָחֲנוּ בָרֵחַיִם, אוֹ דָכוּ בַּמְּדֹכָה, וּבִשְּׁלוּ בַּפָּרוּר, וְעָשׂוּ אֹתוֹ עֻגוֹת; וְהָיָה טַעְמוֹ, כְּטַעַם לְשַׁד הַשָּׁמֶן. שָׁיְטִין עַמָּא וְלָקְטִין דְּצָבֵי טָחֵין בְּרִחְיָא, וּדְצָבֵי דָּאֵיךְ בִּמְדוֹכְתָא, וּמְבַשְּׁלִין לֵיהּ בְּקִדְרָא, וְעָבְדִין יָתֵיהּ גְּרִיצָן; וְהָוֵי טַעְמֵיהּ, כִּטְעֵים דְּלִישׁ בְּמִשְׁחָא.
יא,ט וּבְרֶדֶת הַטַּל עַל-הַמַּחֲנֶה, לָיְלָה, יֵרֵד הַמָּן, עָלָיו. וְכַד נָחֵית טַלָּא עַל מַשְׁרִיתָא, בְּלֵילְיָא, נָחֵית מַנָּא, עֲלוֹהִי.
יא,י וַיִּשְׁמַע מֹשֶׁה אֶת-הָעָם, בֹּכֶה לְמִשְׁפְּחֹתָיו--אִישׁ, לְפֶתַח אָהֳלוֹ; וַיִּחַר-אַף יְהוָה מְאֹד, וּבְעֵינֵי מֹשֶׁה רָע. וּשְׁמַע מֹשֶׁה יָת עַמָּא, בָּכַן לְזַרְעֲיָתְהוֹן--גְּבַר, בִּתְרַע מַשְׁכְּנֵיהּ; וּתְקֵיף רֻגְזָא דַּייָ לַחְדָּא, וּבְעֵינֵי מֹשֶׁה בִּישׁ.
יא,יא וַיֹּאמֶר מֹשֶׁה אֶל-יְהוָה, לָמָה הֲרֵעֹתָ לְעַבְדֶּךָ, וְלָמָּה לֹא-מָצָתִי חֵן, בְּעֵינֶיךָ: לָשׂוּם, אֶת-מַשָּׂא כָּל-הָעָם הַזֶּה--עָלָי. וַאֲמַר מֹשֶׁה קֳדָם יְיָ, לְמָא אַבְאֵישְׁתָּא לְעַבְדָּךְ, וּלְמָא לָא אַשְׁכַּחִית רַחֲמִין, קֳדָמָךְ: לְשַׁוָּאָה, יָת מַטוּל כָּל עַמָּא הָדֵין--עֲלָי.
יא,יב הֶאָנֹכִי הָרִיתִי, אֵת כָּל-הָעָם הַזֶּה--אִם-אָנֹכִי, יְלִדְתִּיהוּ: כִּי-תֹאמַר אֵלַי שָׂאֵהוּ בְחֵיקֶךָ, כַּאֲשֶׁר יִשָּׂא הָאֹמֵן אֶת-הַיֹּנֵק, עַל הָאֲדָמָה, אֲשֶׁר נִשְׁבַּעְתָּ לַאֲבֹתָיו. הֲאָב אֲנָא, לְכָל עַמָּא הָדֵין--אִם בְּנַי, אִנּוּן: דַּאֲמַרְתְּ לִי סוֹבַרְהִי בְּתֻקְפָךְ, כְּמָא דִּמְסוֹבַר תֻּרְבְּיָנָא יָת יָנְקָא, עַל אַרְעָא, דְּקַיֵּימְתָּא לַאֲבָהָתוֹהִי.
יא,יג מֵאַיִן לִי בָּשָׂר, לָתֵת לְכָל-הָעָם הַזֶּה: כִּי-יִבְכּוּ עָלַי לֵאמֹר, תְּנָה-לָּנוּ בָשָׂר וְנֹאכֵלָה. מְנָן לִי בִּסְרָא, לְמִתַּן לְכָל עַמָּא הָדֵין: אֲרֵי בָּכַן עֲלַי לְמֵימַר, הַב לַנָא בִּסְרָא וְנֵיכוֹל.
יא,יד לֹא-אוּכַל אָנֹכִי לְבַדִּי, לָשֵׂאת אֶת-כָּל-הָעָם הַזֶּה: כִּי כָבֵד, מִמֶּנִּי. לֵית אֲנָא יָכֵיל בִּלְחוֹדַי, לְסוֹבָרָא יָת כָּל עַמָּא הָדֵין: אֲרֵי יַקִּיר, מִנִּי.
יא,טו וְאִם-כָּכָה אַתְּ-עֹשֶׂה לִּי, הָרְגֵנִי נָא הָרֹג--אִם-מָצָאתִי חֵן, בְּעֵינֶיךָ; וְאַל-אֶרְאֶה, בְּרָעָתִי. {פ} וְאִם כְּדֵין אַתְּ עָבֵיד לִי, קְטוֹלְנִי כְּעַן מִקְטָל--אִם אַשְׁכַּחִית רַחֲמִין, קֳדָמָךְ; וְלָא אֶחְזֵי, בְּבִשְׁתִּי. {פ}
יא,טז וַיֹּאמֶר יְהוָה אֶל-מֹשֶׁה, אֶסְפָה-לִּי שִׁבְעִים אִישׁ מִזִּקְנֵי יִשְׂרָאֵל, אֲשֶׁר יָדַעְתָּ, כִּי-הֵם זִקְנֵי הָעָם וְשֹׁטְרָיו; וְלָקַחְתָּ אֹתָם אֶל-אֹהֶל מוֹעֵד, וְהִתְיַצְּבוּ שָׁם עִמָּךְ. וַאֲמַר יְיָ לְמֹשֶׁה, כְּנוֹשׁ קֳדָמַי שִׁבְעִין גֻּבְרָא מִסָּבֵי יִשְׂרָאֵל, דִּידַעְתָּא, אֲרֵי אִנּוּן סָבֵי עַמָּא וְסָרְכוֹהִי; וְתִדְבַּר יָתְהוֹן לְמַשְׁכַּן זִמְנָא, וְיִתְעַתְּדוּן תַּמָּן עִמָּךְ.
יא,יז וְיָרַדְתִּי, וְדִבַּרְתִּי עִמְּךָ שָׁם, וְאָצַלְתִּי מִן-הָרוּחַ אֲשֶׁר עָלֶיךָ, וְשַׂמְתִּי עֲלֵיהֶם; וְנָשְׂאוּ אִתְּךָ בְּמַשָּׂא הָעָם, וְלֹא-תִשָּׂא אַתָּה לְבַדֶּךָ. וְאֶתְגְּלֵי, וַאֲמַלֵּיל עִמָּךְ תַּמָּן, וַאֲרַבֵּי מִן רוּחָא דַּעֲלָךְ, וַאֲשַׁוֵּי עֲלֵיהוֹן; וִיסוֹבְרוּן עִמָּךְ בְּמַטוּל עַמָּא, וְלָא תְּסוֹבַר אַתְּ בִּלְחוֹדָךְ.
יא,יח וְאֶל-הָעָם תֹּאמַר הִתְקַדְּשׁוּ לְמָחָר, וַאֲכַלְתֶּם בָּשָׂר--כִּי בְּכִיתֶם בְּאָזְנֵי יְהוָה לֵאמֹר מִי יַאֲכִלֵנוּ בָּשָׂר, כִּי-טוֹב לָנוּ בְּמִצְרָיִם; וְנָתַן יְהוָה לָכֶם בָּשָׂר, וַאֲכַלְתֶּם. וּלְעַמָּא תֵּימַר אִזְדָּמַנוּ לִמְחַר, וְתֵיכְלוּן בִּסְרָא--אֲרֵי בְּכֵיתוֹן קֳדָם יְיָ לְמֵימַר מַאן יוֹכֵילִנַּנָה בִּסְרָא, אֲרֵי טָב לַנָא בְּמִצְרָיִם; וְיִתֵּין יְיָ לְכוֹן בִּסְרָא, וְתֵיכְלוּן.
יא,יט לֹא יוֹם אֶחָד תֹּאכְלוּן, וְלֹא יוֹמָיִם; וְלֹא חֲמִשָּׁה יָמִים, וְלֹא עֲשָׂרָה יָמִים, וְלֹא, עֶשְׂרִים יוֹם. לָא יוֹמָא חַד תֵּיכְלוּן, וְלָא תְּרֵין יוֹמִין; וְלָא חַמְשָׁא יוֹמִין, וְלָא עַסְרָא יוֹמִין, וְלָא, עַסְרִין יוֹם.
יא,כ עַד חֹדֶשׁ יָמִים, עַד אֲשֶׁר-יֵצֵא מֵאַפְּכֶם, וְהָיָה לָכֶם, לְזָרָא: יַעַן, כִּי-מְאַסְתֶּם אֶת-יְהוָה אֲשֶׁר בְּקִרְבְּכֶם, וַתִּבְכּוּ לְפָנָיו לֵאמֹר, לָמָּה זֶּה יָצָאנוּ מִמִּצְרָיִם. עַד יְרַח יוֹמִין, עַד דִּתְקוּצוּן בֵּיהּ, וִיהֵי לְכוֹן, לְתַקְלָא: חֲלָף, דְּקַצְתּוּן בְּמֵימְרָא דַּייָ דִּשְׁכִינְתֵיהּ שָׁרְיָא בֵּינֵיכוֹן, וּבְכֵיתוֹן קֳדָמוֹהִי לְמֵימַר, לְמָא דְּנָן נְפַקְנָא מִמִּצְרָיִם.
יא,כא וַיֹּאמֶר, מֹשֶׁה, שֵׁשׁ-מֵאוֹת אֶלֶף רַגְלִי, הָעָם אֲשֶׁר אָנֹכִי בְּקִרְבּוֹ; וְאַתָּה אָמַרְתָּ, בָּשָׂר אֶתֵּן לָהֶם, וְאָכְלוּ, חֹדֶשׁ יָמִים. וַאֲמַר, מֹשֶׁה, שֵׁית מְאָה אַלְפִין גֻּבְרָא רִגְלָאָה, עַמָּא דַּאֲנָא בֵּינֵיהוֹן; וְאַתְּ אֲמַרְתְּ, בִּסְרָא אֶתֵּין לְהוֹן, וְיֵיכְלוּן, יְרַח יוֹמִין.
יא,כב הֲצֹאן וּבָקָר יִשָּׁחֵט לָהֶם, וּמָצָא לָהֶם; אִם אֶת-כָּל-דְּגֵי הַיָּם יֵאָסֵף לָהֶם, וּמָצָא לָהֶם. {פ} הֲעָן וְתוֹרִין יִתְנַכְסוּן לְהוֹן, הַיְסַפְּקוּן לְהוֹן; אִם יָת כָּל נוּנֵי יַמָּא יִתְכַּנְשׁוּן לְהוֹן, הַיְסַפְּקוּן לְהוֹן. {פ}
יא,כג וַיֹּאמֶר יְהוָה אֶל-מֹשֶׁה, הֲיַד יְהוָה תִּקְצָר; עַתָּה תִרְאֶה הֲיִקְרְךָ דְבָרִי, אִם-לֹא. וַאֲמַר יְיָ לְמֹשֶׁה, הֲמֵימְרָא דַּייָ מִתְעַכַּב; כְּעַן תִּחְזֵי הַיְעָרְעִנָּךְ פִּתְגָמִי, אִם לָא.
יא,כד וַיֵּצֵא מֹשֶׁה--וַיְדַבֵּר אֶל-הָעָם, אֵת דִּבְרֵי יְהוָה; וַיֶּאֱסֹף שִׁבְעִים אִישׁ, מִזִּקְנֵי הָעָם, וַיַּעֲמֵד אֹתָם, סְבִיבֹת הָאֹהֶל. וּנְפַק מֹשֶׁה--וּמַלֵּיל עִם עַמָּא, יָת פִּתְגָמַיָּא דַּייָ; וּכְנַשׁ שִׁבְעִין גֻּבְרָא, מִסָּבֵי עַמָּא, וַאֲקֵים יָתְהוֹן, סְחוֹר סְחוֹר לְמַשְׁכְּנָא.
יא,כה וַיֵּרֶד יְהוָה בֶּעָנָן, וַיְדַבֵּר אֵלָיו, וַיָּאצֶל מִן-הָרוּחַ אֲשֶׁר עָלָיו, וַיִּתֵּן עַל-שִׁבְעִים אִישׁ הַזְּקֵנִים; וַיְהִי, כְּנוֹחַ עֲלֵיהֶם הָרוּחַ, וַיִּתְנַבְּאוּ, וְלֹא יָסָפוּ. וְאִתְגְּלִי יְיָ בַּעֲנָנָא, וּמַלֵּיל עִמֵּיהּ, וְרַבִּי מִן רוּחָא דַּעֲלוֹהִי, וִיהַב עַל שִׁבְעִין גֻּבְרָא סָבַיָּא; וַהֲוָה, כַּד שְׁרָת עֲלֵיהוֹן רוּחַ נְבוּאָה, וּמִתְנַבַּן, וְלָא פָּסְקִין.
יא,כו וַיִּשָּׁאֲרוּ שְׁנֵי-אֲנָשִׁים בַּמַּחֲנֶה שֵׁם הָאֶחָד אֶלְדָּד וְשֵׁם הַשֵּׁנִי מֵידָד וַתָּנַח עֲלֵהֶם הָרוּחַ, וְהֵמָּה בַּכְּתֻבִים, וְלֹא יָצְאוּ, הָאֹהֱלָה; וַיִּתְנַבְּאוּ, בַּמַּחֲנֶה. וְאִשְׁתְּאַרוּ תְּרֵין גֻּבְרִין בְּמַשְׁרִיתָא שׁוֹם חַד אֶלְדָּד וְשׁוֹם תִּנְיָנָא מֵידָד וּשְׁרָת עֲלֵיהוֹן רוּחַ נְבוּאָה, וְאִנּוּן בִּכְתִיבַיָּא, וְלָא נְפַקוּ, לְמַשְׁכְּנָא; וְאִתְנַבִּיאוּ, בְּמַשְׁרִיתָא.
יא,כז וַיָּרָץ הַנַּעַר, וַיַּגֵּד לְמֹשֶׁה וַיֹּאמַר: אֶלְדָּד וּמֵידָד, מִתְנַבְּאִים בַּמַּחֲנֶה. וּרְהַט עוּלֵימָא, וְחַוִּי לְמֹשֶׁה וַאֲמַר: אֶלְדָּד וּמֵידָד, מִתְנַבַּן בְּמַשְׁרִיתָא.
יא,כח וַיַּעַן יְהוֹשֻׁעַ בִּן-נוּן, מְשָׁרֵת מֹשֶׁה מִבְּחֻרָיו--וַיֹּאמַר: אֲדֹנִי מֹשֶׁה, כְּלָאֵם. וַאֲתֵיב יְהוֹשׁוּעַ בַּר נוּן, מְשֻׁמְשָׁנֵיהּ דְּמֹשֶׁה מֵעוּלֵימוֹהִי--וַאֲמַר: רִבּוֹנִי מֹשֶׁה, אַסְרִנּוּן.
יא,כט וַיֹּאמֶר לוֹ מֹשֶׁה, הַמְקַנֵּא אַתָּה לִי; וּמִי יִתֵּן כָּל-עַם יְהוָה, נְבִיאִים--כִּי-יִתֵּן יְהוָה אֶת-רוּחוֹ, עֲלֵיהֶם. וַאֲמַר לֵיהּ מֹשֶׁה, הֲקִנְאֲתִי אַתְּ מְקַנֵּי; רְעֵינָא פּוֹן דִּיהוֹן כָּל עַמֵּיהּ דַּייָ, נְבִיִּין--אֲרֵי יִתֵּין יְיָ יָת רוּחַ נְבוּאֲתֵיהּ, עֲלֵיהוֹן.
יא,ל וַיֵּאָסֵף מֹשֶׁה, אֶל-הַמַּחֲנֶה--הוּא, וְזִקְנֵי יִשְׂרָאֵל. וְאִתְכְּנֵישׁ מֹשֶׁה, לְמַשְׁרִיתָא--הוּא, וְסָבֵי יִשְׂרָאֵל.
יא,לא וְרוּחַ נָסַע מֵאֵת יְהוָה, וַיָּגָז שַׂלְוִים מִן-הַיָּם, וַיִּטֹּשׁ עַל-הַמַּחֲנֶה כְּדֶרֶךְ יוֹם כֹּה וּכְדֶרֶךְ יוֹם כֹּה, סְבִיבוֹת הַמַּחֲנֶה--וּכְאַמָּתַיִם, עַל-פְּנֵי הָאָרֶץ. וְרוּחָא נְטַל מִן קֳדָם יְיָ, וְאַפְרַח שְׂלָיו מִן יַמָּא, וּרְמָא עַל מַשְׁרִיתָא כְּמַהְלַךְ יוֹמָא לְכָא וּכְמַהְלַךְ יוֹמָא לְכָא, סְחוֹר סְחוֹר לְמַשְׁרִיתָא--וּכְרוּם תַּרְתֵּין אַמִּין, עַל אַפֵּי אַרְעָא.
יא,לב וַיָּקָם הָעָם כָּל-הַיּוֹם הַהוּא וְכָל-הַלַּיְלָה וְכֹל יוֹם הַמָּחֳרָת, וַיַּאַסְפוּ אֶת-הַשְּׂלָו--הַמַּמְעִיט, אָסַף עֲשָׂרָה חֳמָרִים; וַיִּשְׁטְחוּ לָהֶם שָׁטוֹחַ, סְבִיבוֹת הַמַּחֲנֶה. וְקָם עַמָּא כָּל יוֹמָא הַהוּא וְכָל לֵילְיָא וְכֹל יוֹמָא דְּבָתְרוֹהִי, וּכְנַשׁוּ יָת שְׂלָיו--דְּאַזְעַר, כְּנַשׁ עַסְרָא דְּגוֹרִין; וּשְׁטַחוּ לְהוֹן מַשְׁטְחִין, סְחוֹר סְחוֹר לְמַשְׁרִיתָא.
יא,לג הַבָּשָׂר, עוֹדֶנּוּ בֵּין שִׁנֵּיהֶם--טֶרֶם, יִכָּרֵת; וְאַף יְהוָה, חָרָה בָעָם, וַיַּךְ יְהוָה בָּעָם, מַכָּה רַבָּה מְאֹד. בִּסְרָא, עַד כְּעַן בֵּין שִׁנֵּיהוֹן--עַד, לָא פְּסַק; וְרֻגְזָא דַּייָ, תְּקֵיף בְּעַמָּא, וּקְטַל יְיָ בְּעַמָּא, קְטוֹל סַגִּי לַחְדָּא.
יא,לד וַיִּקְרָא אֶת-שֵׁם-הַמָּקוֹם הַהוּא, קִבְרוֹת הַתַּאֲוָה: כִּי-שָׁם, קָבְרוּ, אֶת-הָעָם, הַמִּתְאַוִּים. וּקְרָא יָת שְׁמֵיהּ דְּאַתְרָא הַהוּא, קִבְרֵי דִּמְשַׁאֲלֵי: אֲרֵי תַּמָּן, קְבַרוּ, יָת עַמָּא, דְּשַׁאִילוּ.
יא,לה מִקִּבְרוֹת הַתַּאֲוָה נָסְעוּ הָעָם, חֲצֵרוֹת; וַיִּהְיוּ, בַּחֲצֵרוֹת. {פ} מִקִּבְרֵי דִּמְשַׁאֲלֵי נְטַלוּ עַמָּא, לַחֲצֵרוֹת; וַהֲווֹ, בַּחֲצֵרוֹת. {פ}
יב,א וַתְּדַבֵּר מִרְיָם וְאַהֲרֹן בְּמֹשֶׁה, עַל-אֹדוֹת הָאִשָּׁה הַכֻּשִׁית אֲשֶׁר לָקָח: כִּי-אִשָּׁה כֻשִׁית, לָקָח. וּמַלֵּילַת מִרְיָם וְאַהֲרוֹן בְּמֹשֶׁה, עַל עֵיסַק אִתְּתָא שַׁפִּירְתָא דִּנְסֵיב: אֲרֵי אִתְּתָא שַׁפִּירְתָא דִּנְסֵיב, רַחֵיק.
יב,ב וַיֹּאמְרוּ, הֲרַק אַךְ-בְּמֹשֶׁה דִּבֶּר יְהוָה--הֲלֹא, גַּם-בָּנוּ דִבֵּר; וַיִּשְׁמַע, יְהוָה. וַאֲמַרוּ, הַלְחוֹד בְּרַם עִם מֹשֶׁה מַלֵּיל יְיָ--הֲלָא, אַף עִמַּנָא מַלֵּיל; וּשְׁמִיעַ, קֳדָם יְיָ.
יב,ג וְהָאִישׁ מֹשֶׁה, עָנָו מְאֹד--מִכֹּל, הָאָדָם, אֲשֶׁר, עַל-פְּנֵי הָאֲדָמָה. {ס} וְגֻבְרָא מֹשֶׁה, עִנְוְתָן לַחְדָּא: מִכֹּל, אֲנָשָׁא--דְּעַל אַפֵּי אַרְעָא. {ס}
יב,ד וַיֹּאמֶר יְהוָה פִּתְאֹם, אֶל-מֹשֶׁה וְאֶל-אַהֲרֹן וְאֶל-מִרְיָם, צְאוּ שְׁלָשְׁתְּכֶם, אֶל-אֹהֶל מוֹעֵד; וַיֵּצְאוּ, שְׁלָשְׁתָּם. וַאֲמַר יְיָ בִּתְכֵּיף, לְמֹשֶׁה וּלְאַהֲרוֹן וּלְמִרְיָם, פּוּקוּ תְּלָתֵיכוֹן, לְמַשְׁכַּן זִמְנָא; וּנְפַקוּ, תְּלָתֵיהוֹן.
יב,ה וַיֵּרֶד יְהוָה בְּעַמּוּד עָנָן, וַיַּעֲמֹד פֶּתַח הָאֹהֶל; וַיִּקְרָא אַהֲרֹן וּמִרְיָם, וַיֵּצְאוּ שְׁנֵיהֶם. וְאִתְגְּלִי יְיָ בְּעַמּוּדָא דַּעֲנָנָא, וְקָם בִּתְרַע מַשְׁכְּנָא; וּקְרָא אַהֲרוֹן וּמִרְיָם, וּנְפַקוּ תַּרְוֵיהוֹן.
יב,ו וַיֹּאמֶר, שִׁמְעוּ-נָא דְבָרָי; אִם-יִהְיֶה, נְבִיאֲכֶם--יְהוָה בַּמַּרְאָה אֵלָיו אֶתְוַדָּע, בַּחֲלוֹם אֲדַבֶּר-בּוֹ. וַאֲמַר, שְׁמַעוּ כְּעַן פִּתְגָמָי; אִם יְהוֹן, לְכוֹן נְבִיִּין--אֲנָא יְיָ בְּחֶזְוִין אֲנָא מִתְגְּלֵי לְהוֹן, בְּחֶלְמִין אֲנָא מְמַלֵּיל עִמְּהוֹן.
יב,ז לֹא-כֵן, עַבְדִּי מֹשֶׁה: בְּכָל-בֵּיתִי, נֶאֱמָן הוּא. לָא כֵּין, עַבְדִּי מֹשֶׁה: בְּכָל עַמִּי, מְהֵימָן הוּא.
יב,ח פֶּה אֶל-פֶּה אֲדַבֶּר-בּוֹ, וּמַרְאֶה וְלֹא בְחִידֹת, וּתְמֻנַת יְהוָה, יַבִּיט; וּמַדּוּעַ לֹא יְרֵאתֶם, לְדַבֵּר בְּעַבְדִּי בְמֹשֶׁה. מַמְלַל עִם מַמְלַל מַלֵּילְנָא עִמֵּיהּ, וּבְחֵיזוּ וְלָא בְּחֶדְוָן, וּדְמוּת יְקָרָא דַּייָ, מִסְתַּכַּל; וּמָדֵין לָא דְּחֵילְתּוּן, לְמַלָּלָא בְּעַבְדִּי בְּמֹשֶׁה.
יב,ט וַיִּחַר-אַף יְהוָה בָּם, וַיֵּלַךְ. וּתְקֵיף רֻגְזָא דַּייָ בְּהוֹן, וְאִסְתַּלַּק.
יב,י וְהֶעָנָן, סָר מֵעַל הָאֹהֶל, וְהִנֵּה מִרְיָם, מְצֹרַעַת כַּשָּׁלֶג; וַיִּפֶן אַהֲרֹן אֶל-מִרְיָם, וְהִנֵּה מְצֹרָעַת. וַעֲנָנָא, אִסְתַּלַּק מֵעִלָּוֵי מַשְׁכְּנָא, וְהָא מִרְיָם, חָוְרָא כְּתַלְגָּא; וְאִתְפְּנִי אַהֲרוֹן לְוָת מִרְיָם, וְהָא סְגִירָא.
יב,יא וַיֹּאמֶר אַהֲרֹן, אֶל-מֹשֶׁה: בִּי אֲדֹנִי--אַל-נָא תָשֵׁת עָלֵינוּ חַטָּאת, אֲשֶׁר נוֹאַלְנוּ וַאֲשֶׁר חָטָאנוּ. וַאֲמַר אַהֲרוֹן, לְמֹשֶׁה: בְּבָעוּ רִבּוֹנִי--לָא כְּעַן תְּשַׁוֵּי עֲלַנָא חוֹבָא, דְּאִטְּפַשְׁנָא וְדִסְרַחְנָא.
יב,יב אַל-נָא תְהִי, כַּמֵּת, אֲשֶׁר בְּצֵאתוֹ מֵרֶחֶם אִמּוֹ, וַיֵּאָכֵל חֲצִי בְשָׂרוֹ. לָא כְּעַן תִּתְרַחַק דָּא מִבֵּינַנָא, אֲרֵי אֲחָתַנָא הִיא--צַלִּי כְּעַן עַל בִּסְרָא מִיתָא הָדֵין דְּבַהּ, וְיִתַּסֵּי.
יב,יג וַיִּצְעַק מֹשֶׁה, אֶל-יְהוָה לֵאמֹר: אֵל, נָא רְפָא נָא לָהּ. {פ} וְצַלִּי מֹשֶׁה, קֳדָם יְיָ לְמֵימַר: אֱלָהָא, בְּבָעוּ אַסִּי כְּעַן יָתַהּ. {פ}
יב,יד וַיֹּאמֶר יְהוָה אֶל-מֹשֶׁה, וְאָבִיהָ יָרֹק יָרַק בְּפָנֶיהָ--הֲלֹא תִכָּלֵם, שִׁבְעַת יָמִים; תִּסָּגֵר שִׁבְעַת יָמִים, מִחוּץ לַמַּחֲנֶה, וְאַחַר, תֵּאָסֵף. וַאֲמַר יְיָ לְמֹשֶׁה, וְאִלּוּ אֲבוּהָא מִנְזָף נְזַף בַּהּ--הֲלָא תִּתְכְּלֵים, שִׁבְעָא יוֹמִין; תִּסְתְּגַר שִׁבְעָא יוֹמִין, מִבַּרָא לְמַשְׁרִיתָא, וּבָתַר כֵּין, תִּתְכְּנֵישׁ.
יב,טו וַתִּסָּגֵר מִרְיָם מִחוּץ לַמַּחֲנֶה, שִׁבְעַת יָמִים; וְהָעָם לֹא נָסַע, עַד-הֵאָסֵף מִרְיָם. וְאִסְתְּגַרַת מִרְיָם מִבַּרָא לְמַשְׁרִיתָא, שִׁבְעָא יוֹמִין; וְעַמָּא לָא נְטַל, עַד דְּאִתְכְּנֵישַׁת מִרְיָם.
יב,טז וְאַחַר נָסְעוּ הָעָם, מֵחֲצֵרוֹת; וַיַּחֲנוּ, בְּמִדְבַּר פָּארָן. {פ} וּבָתַר כֵּין נְטַלוּ עַמָּא, מֵחֲצֵרוֹת; וּשְׁרוֹ, בְּמַדְבְּרָא דְּפָארָן. {פ}