פרשת "בחוקותי" עם תרגום אונקלוס

ויקרא פרק כ"ו פסוק ג עד פרק כ"ז פסוק ל"ד.

 
כו,ג אִם-בְּחֻקֹּתַי, תֵּלֵכוּ; וְאֶת-מִצְו‍ֹתַי תִּשְׁמְרוּ, וַעֲשִׂיתֶם אֹתָם. אִם בִּקְיָמַי, תְּהָכוּן; וְיָת פִּקּוֹדַי תִּטְּרוּן, וְתַעְבְּדְוּן יָתְהוֹן.
כו,ד וְנָתַתִּי גִשְׁמֵיכֶם, בְּעִתָּם; וְנָתְנָה הָאָרֶץ יְבוּלָהּ, וְעֵץ הַשָּׂדֶה יִתֵּן פִּרְיוֹ. וְאֶתֵּין מִטְרֵיכוֹן, בְּעִדָּנְהוֹן; וְתִתֵּין אַרְעָא עֲלַלְתַּהּ, וְאִילָן חַקְלָא יִתֵּין אִבֵּיהּ.
כו,ה וְהִשִּׂיג לָכֶם דַּיִשׁ אֶת-בָּצִיר, וּבָצִיר יַשִּׂיג אֶת-זָרַע; וַאֲכַלְתֶּם לַחְמְכֶם לָשֹׂבַע, וִישַׁבְתֶּם לָבֶטַח בְּאַרְצְכֶם. וִיעָרַע לְכוֹן דְּיָשָׁא לִקְטָפָא, וּקְטָפָא יְעָרַע לְאַפּוֹקֵי בַּר זַרְעָא; וְתֵיכְלוּן לַחְמְכוֹן לְמִסְבַּע, וְתִתְּבוּן לְרֻחְצָן בַּאֲרַעְכוֹן.
כו,ו וְנָתַתִּי שָׁלוֹם בָּאָרֶץ, וּשְׁכַבְתֶּם וְאֵין מַחֲרִיד; וְהִשְׁבַּתִּי חַיָּה רָעָה, מִן-הָאָרֶץ, וְחֶרֶב, לֹא-תַעֲבֹר בְּאַרְצְכֶם. וְאֶתֵּין שְׁלָמָא בְּאַרְעָא, וְתִשְׁרוֹן וְלֵית דְּמַנִּיד; וַאֲבַטֵּיל חַיְתָא בִּשְׁתָּא, מִן אַרְעָא, וּדְקָטְלִין בְּחַרְבָּא, לָא יִעְדּוֹן בַּאֲרַעְכוֹן.
כו,ז וּרְדַפְתֶּם, אֶת-אֹיְבֵיכֶם; וְנָפְלוּ לִפְנֵיכֶם, לֶחָרֶב. וְתִרְדְּפוּן, יָת בַּעֲלֵי דְּבָבֵיכוֹן; וְיִפְּלוּן קֳדָמֵיכוֹן, לְחַרְבָּא.
כו,ח וְרָדְפוּ מִכֶּם חֲמִשָּׁה מֵאָה, וּמֵאָה מִכֶּם רְבָבָה יִרְדֹּפוּ; וְנָפְלוּ אֹיְבֵיכֶם לִפְנֵיכֶם, לֶחָרֶב. וְיִרְדְּפוּן מִנְּכוֹן חַמְשָׁא לִמְאָה, וּמְאָה מִנְּכוֹן לְרִבּוֹתָא יְעָרְקוּן; וְיִפְּלוּן בַּעֲלֵי דְּבָבֵיכוֹן קֳדָמֵיכוֹן, לְחַרְבָּא.
כו,ט וּפָנִיתִי אֲלֵיכֶם--וְהִפְרֵיתִי אֶתְכֶם, וְהִרְבֵּיתִי אֶתְכֶם; וַהֲקִימֹתִי אֶת-בְּרִיתִי, אִתְּכֶם. וְאֶתְפְּנֵי בְּמֵימְרִי לְאֵיטָבָא לְכוֹן--וְאַפֵּישׁ יָתְכוֹן, וְאַסְגֵּי יָתְכוֹן; וְאַקֵּם יָת קְיָמִי, עִמְּכוֹן.
כו,י וַאֲכַלְתֶּם יָשָׁן, נוֹשָׁן; וְיָשָׁן, מִפְּנֵי חָדָשׁ תּוֹצִיאוּ. וְתֵיכְלוּן עַתִּיקָא, דְּעַתִּיק; וְעַתִּיקָא, מִן קֳדָם חֲדַתָּא תְּפַנּוֹן.
כו,יא וְנָתַתִּי מִשְׁכָּנִי, בְּתוֹכְכֶם; וְלֹא-תִגְעַל נַפְשִׁי, אֶתְכֶם. וְאֶתֵּין מַשְׁכְּנִי, בֵּינֵיכוֹן; וְלָא יְרַחֵיק מֵימְרִי, יָתְכוֹן.
כו,יב וְהִתְהַלַּכְתִּי, בְּתוֹכְכֶם, וְהָיִיתִי לָכֶם, לֵאלֹהִים; וְאַתֶּם, תִּהְיוּ-לִי לְעָם. וְאַשְׁרֵי שְׁכִינְתִי, בֵּינֵיכוֹן, וְאֶהְוֵי לְכוֹן, לֶאֱלָהּ; וְאַתּוּן, תְּהוֹן קֳדָמַי לְעַם.
כו,יג אֲנִי יְהוָה אֱלֹהֵיכֶם, אֲשֶׁר הוֹצֵאתִי אֶתְכֶם מֵאֶרֶץ מִצְרַיִם, מִהְיֹת לָהֶם, עֲבָדִים; וָאֶשְׁבֹּר מֹטֹת עֻלְּכֶם, וָאוֹלֵךְ אֶתְכֶם קוֹמְמִיּוּת.  {פ} אֲנָא יְיָ אֱלָהֲכוֹן, דְּאַפֵּיקִית יָתְכוֹן מֵאַרְעָא דְּמִצְרַיִם, מִלְּמִהְוֵי לְהוֹן, עַבְדִּין; וְתַבַּרִית נִיר עַמְמַיָּא מִנְּכוֹן, וְדַבַּרִית יָתְכוֹן בְּחֵירוּתָא.  {פ}
כו,יד וְאִם-לֹא תִשְׁמְעוּ, לִי; וְלֹא תַעֲשׂוּ, אֵת כָּל-הַמִּצְו‍ֹת הָאֵלֶּה. וְאִם לָא תְּקַבְּלוּן, לְמֵימְרִי; וְלָא תַּעְבְּדוּן, יָת כָּל פִּקּוֹדַיָּא הָאִלֵּין.
כו,טו וְאִם-בְּחֻקֹּתַי תִּמְאָסוּ, וְאִם אֶת-מִשְׁפָּטַי תִּגְעַל נַפְשְׁכֶם, לְבִלְתִּי עֲשׂוֹת אֶת-כָּל-מִצְו‍ֹתַי, לְהַפְרְכֶם אֶת-בְּרִיתִי. וְאִם בִּקְיָמַי תְּקוּצוּן, וְאִם יָת דִּינַי תְּרַחֵיק נַפְשְׁכוֹן, בְּדִיל דְּלָא לְמֶעֱבַד יָת כָּל פִּקּוֹדַי, לְאַשְׁנָיוּתְכוֹן יָת קְיָמִי.
כו,טז אַף-אֲנִי אֶעֱשֶׂה-זֹּאת לָכֶם, וְהִפְקַדְתִּי עֲלֵיכֶם בֶּהָלָה אֶת-הַשַּׁחֶפֶת וְאֶת-הַקַּדַּחַת, מְכַלּוֹת עֵינַיִם, וּמְדִיבֹת נָפֶשׁ; וּזְרַעְתֶּם לָרִיק זַרְעֲכֶם, וַאֲכָלֻהוּ אֹיְבֵיכֶם. אַף אֲנָא אַעֲבֵיד דָּא לְכוֹן, וְאַסְעַר עֲלֵיכוֹן בִּיהֻלְתָּא שַׁחֶפְתָּא וְקַדַּחְתָּא, מַחְשְׁכָן עַיְנִין, וּמַפְּחָן נְפַשׁ; וְתִזְרְעוּן לְרֵיקָנוּ זַרְעֲכוֹן, וְיֵיכְלוּנֵּיהּ בַּעֲלֵי דְּבָבֵיכוֹן.
כו,יז וְנָתַתִּי פָנַי בָּכֶם, וְנִגַּפְתֶּם לִפְנֵי אֹיְבֵיכֶם; וְרָדוּ בָכֶם שֹׂנְאֵיכֶם, וְנַסְתֶּם וְאֵין-רֹדֵף אֶתְכֶם. וְאֶתֵּין רֻגְזִי בְּכוֹן, וְתִתַּבְרוּן קֳדָם בַּעֲלֵי דְּבָבֵיכוֹן; וְיִרְדּוֹן בְּכוֹן סָנְאֵיכוֹן, וְתִעְרְקוּן וְלֵית דְּרָדֵיף יָתְכוֹן.
כו,יח וְאִם-עַד-אֵלֶּה--לֹא תִשְׁמְעוּ, לִי:  וְיָסַפְתִּי לְיַסְּרָה אֶתְכֶם, שֶׁבַע עַל-חַטֹּאתֵיכֶם. וְאִם עַד אִלֵּין--לָא תְּקַבְּלוּן, לְמֵימְרִי:  וְאוֹסֵיף לְמִרְדֵּי יָתְכוֹן, שְׁבַע עַל חוֹבֵיכוֹן.
כו,יט וְשָׁבַרְתִּי, אֶת-גְּאוֹן עֻזְּכֶם; וְנָתַתִּי אֶת-שְׁמֵיכֶם כַּבַּרְזֶל, וְאֶת-אַרְצְכֶם כַּנְּחֻשָׁה. וְאֶתְבַּר, יָת יְקָר תֻּקְפְכוֹן; וְאֶתֵּין יָת שְׁמַיָּא דְּעִלָּוֵיכוֹן תַּקִּיפִין כְּבַרְזְלָא מִלְּאַחָתָא מִטְרָא, וְאַרְעָא דִּתְחוֹתֵיכוֹן חַסִּינָא כִּנְחָשָׁא מִלְּמֶעֱבַד פֵּירִין.
כו,כ וְתַם לָרִיק, כֹּחֲכֶם; וְלֹא-תִתֵּן אַרְצְכֶם, אֶת-יְבוּלָהּ, וְעֵץ הָאָרֶץ, לֹא יִתֵּן פִּרְיוֹ. וִיסוּף לְרֵיקָנוּ, חֵילְכוֹן; וְלָא תִּתֵּין אֲרַעְכוֹן, יָת עֲלַלְתַּהּ, וְאִילָן חַקְלָא, לָא יִתֵּין אִבֵּיהּ.
כו,כא וְאִם-תֵּלְכוּ עִמִּי קֶרִי, וְלֹא תֹאבוּ לִשְׁמֹעַ לִי--וְיָסַפְתִּי עֲלֵיכֶם מַכָּה, שֶׁבַע כְּחַטֹּאתֵיכֶם. וְאִם תְּהָכוּן קֳדָמַי בְּקַשְׁיוּ, וְלָא תֵּיבוֹן לְקַבָּלָא לְמֵימְרִי--וְאוֹסֵיף לְאֵיתָאָה עֲלֵיכוֹן מַחָא, שְׁבַע כְּחוֹבֵיכוֹן.
כו,כב וְהִשְׁלַחְתִּי בָכֶם אֶת-חַיַּת הַשָּׂדֶה, וְשִׁכְּלָה אֶתְכֶם, וְהִכְרִיתָה אֶת-בְּהֶמְתְּכֶם, וְהִמְעִיטָה אֶתְכֶם; וְנָשַׁמּוּ, דַּרְכֵיכֶם. וַאֲגָרֵי בְּכוֹן יָת חַיַּת בָּרָא, וְתַתְכֵּיל יָתְכוֹן, וּתְשֵׁיצֵי יָת בְּעִירְכוֹן, וְתַזְעַר יָתְכוֹן; וְיִצְדְּיָן, אוֹרְחָתְכוֹן.
כו,כג וְאִם-בְּאֵלֶּה--לֹא תִוָּסְרוּ, לִי; וַהֲלַכְתֶּם עִמִּי, קֶרִי. וְאִם בְּאִלֵּין--לָא תִּתְרְדוֹן, לְמֵימְרִי; וּתְהָכוּן קֳדָמַי, בְּקַשְׁיוּ.
כו,כד וְהָלַכְתִּי אַף-אֲנִי עִמָּכֶם, בְּקֶרִי; וְהִכֵּיתִי אֶתְכֶם גַּם-אָנִי, שֶׁבַע עַל-חַטֹּאתֵיכֶם. וַאֲהָךְ אַף אֲנָא עִמְּכוֹן, בְּקַשְׁיוּ; וְאַלְקֵי יָתְכוֹן אַף אֲנָא, שְׁבַע עַל חוֹבֵיכוֹן.
כו,כה וְהֵבֵאתִי עֲלֵיכֶם חֶרֶב, נֹקֶמֶת נְקַם-בְּרִית, וְנֶאֱסַפְתֶּם, אֶל-עָרֵיכֶם; וְשִׁלַּחְתִּי דֶבֶר בְּתוֹכְכֶם, וְנִתַּתֶּם בְּיַד-אוֹיֵב. וְאַיְתִי עֲלֵיכוֹן דְּקָטְלִין בְּחַרְבָּא, וְיִתְפַּרְעוּן מִנְּכוֹן פֻּרְעָנוּתָא עַל דַּעֲבַרְתּוּן עַל אוֹרָיְתָא, וְתִתְכַּנְשׁוּן, לְקִרְוֵיכוֹן; וַאֲגָרֵי מוֹתָנָא בֵּינֵיכוֹן, וְתִתְמַסְרוּן בְּיַד סָנְאָה.
כו,כו בְּשִׁבְרִי לָכֶם, מַטֵּה-לֶחֶם, וְאָפוּ עֶשֶׂר נָשִׁים לַחְמְכֶם בְּתַנּוּר אֶחָד, וְהֵשִׁיבוּ לַחְמְכֶם בַּמִּשְׁקָל; וַאֲכַלְתֶּם, וְלֹא תִשְׂבָּעוּ.  {ס} בִּדְאֶתְבַּר לְכוֹן, סְעֵיד מֵיכְלָא, וְיֵיפְיָן עֲסַר נְשִׁין לַחְמְכוֹן בְּתַנּוּרָא חַד, וְיָתִיבוּן לַחְמְכוֹן בְּמַתְקָלָא; וְתֵיכְלוּן, וְלָא תִּסְבְּעוּן.  {ס}
כו,כז וְאִם-בְּזֹאת--לֹא תִשְׁמְעוּ, לִי; וַהֲלַכְתֶּם עִמִּי, בְּקֶרִי. וְאִם בְּדָא--לָא תְּקַבְּלוּן, לְמֵימְרִי; וּתְהָכוּן קֳדָמַי, בְּקַשְׁיוּ.
כו,כח וְהָלַכְתִּי עִמָּכֶם, בַּחֲמַת-קֶרִי; וְיִסַּרְתִּי אֶתְכֶם אַף-אָנִי, שֶׁבַע עַל-חַטֹּאתֵיכֶם. וַאֲהָךְ עִמְּכוֹן, בִּתְקוֹף רְגַז; וְאֶרְדֵּי יָתְכוֹן אַף אֲנָא, שְׁבַע עַל חוֹבֵיכוֹן.
כו,כט וַאֲכַלְתֶּם, בְּשַׂר בְּנֵיכֶם; וּבְשַׂר בְּנֹתֵיכֶם, תֹּאכֵלוּ. וְתֵיכְלוּן, בְּסַר בְּנֵיכוֹן; וּבְסַר בְּנָתְכוֹן, תֵּיכְלוּן.
כו,ל וְהִשְׁמַדְתִּי אֶת-בָּמֹתֵיכֶם, וְהִכְרַתִּי אֶת-חַמָּנֵיכֶם, וְנָתַתִּי אֶת-פִּגְרֵיכֶם, עַל-פִּגְרֵי גִּלּוּלֵיכֶם; וְגָעֲלָה נַפְשִׁי, אֶתְכֶם. וַאֲשֵׁיצֵי יָת בָּמָתְכוֹן, וַאֲקַצֵּיץ יָת חֲנִסְנְסֵיכוֹן, וְאֶתֵּין יָת פִּגְרֵיכוֹן, עַל פִּגּוּר טָעֲוָתְכוֹן; וִירַחֵיק מֵימְרִי, יָתְכוֹן.
כו,לא וְנָתַתִּי אֶת-עָרֵיכֶם חָרְבָּה, וַהֲשִׁמּוֹתִי אֶת-מִקְדְּשֵׁיכֶם; וְלֹא אָרִיחַ, בְּרֵיחַ נִיחֹחֲכֶם. וְאֶתֵּין יָת קִרְוֵיכוֹן חָרְבָּא, וַאֲצַדֵּי יָת מַקְדְּשֵׁיכוֹן; וְלָא אֲקַבֵּיל בְּרַעֲוָא, קֻרְבַּן כְּנֵישָׁתְכוֹן.
כו,לב וַהֲשִׁמֹּתִי אֲנִי, אֶת-הָאָרֶץ; וְשָׁמְמוּ עָלֶיהָ אֹיְבֵיכֶם, הַיֹּשְׁבִים בָּהּ. וַאֲצַדֵּי אֲנָא, יָת אַרְעָא; וְיִצְדּוֹן עֲלַהּ בַּעֲלֵי דְּבָבֵיכוֹן, דְּיָתְבִין בַּהּ.
כו,לג וְאֶתְכֶם אֱזָרֶה בַגּוֹיִם, וַהֲרִיקֹתִי אַחֲרֵיכֶם חָרֶב; וְהָיְתָה אַרְצְכֶם שְׁמָמָה, וְעָרֵיכֶם יִהְיוּ חָרְבָּה. וְיָתְכוֹן אֲבַדַּר בֵּינֵי עַמְמַיָּא, וַאֲגָרֵי בָּתְרֵיכוֹן דְּקָטְלִין בְּחַרְבָּא; וּתְהֵי אֲרַעְכוֹן צָדְיָא, וְקִרְוֵיכוֹן יִהְוְיָן חָרְבָּא.
כו,לד אָז תִּרְצֶה הָאָרֶץ אֶת-שַׁבְּתֹתֶיהָ, כֹּל יְמֵי הָשַּׁמָּה, וְאַתֶּם, בְּאֶרֶץ אֹיְבֵיכֶם; אָז תִּשְׁבַּת הָאָרֶץ, וְהִרְצָת אֶת-שַׁבְּתֹתֶיהָ. בְּכֵין תִּרְעֵי אַרְעָא יָת שְׁמִטַּהָא, כֹּל יוֹמִין דִּצְדִּיאַת, וְאַתּוּן, בַּאֲרַע בַּעֲלֵי דְּבָבֵיכוֹן; בְּכֵין תַּשְׁמֵיט אַרְעָא, וְתִרְעֵי יָת שְׁמִטַּהָא.
כו,לה כָּל-יְמֵי הָשַּׁמָּה, תִּשְׁבֹּת, אֵת אֲשֶׁר לֹא-שָׁבְתָה בְּשַׁבְּתֹתֵיכֶם, בְּשִׁבְתְּכֶם עָלֶיהָ. כָּל יוֹמִין דִּצְדִּיאַת, תַּשְׁמֵיט, יָת דְּלָא שְׁמַטַת בִּשְׁמִטֵּיכוֹן, כַּד הֲוֵיתוֹן יָתְבִין עֲלַהּ.
כו,לו וְהַנִּשְׁאָרִים בָּכֶם--וְהֵבֵאתִי מֹרֶךְ בִּלְבָבָם, בְּאַרְצֹת אֹיְבֵיהֶם; וְרָדַף אֹתָם, קוֹל עָלֶה נִדָּף, וְנָסוּ מְנֻסַת-חֶרֶב וְנָפְלוּ, וְאֵין רֹדֵף. וּדְיִשְׁתְּאַרוּן בְּכוֹן--וְאַעֵיל תְּבָרָא בְּלִבְּהוֹן, בְּאַרְעָתָא דְּסָנְאֵיהוֹן; וְיִרְדּוֹף יָתְהוֹן, קָל טַרְפָא דְּשָׁקֵיף, וְיִעְרְקוֹן מִעְרָק כִּד מִן קֳדָם דְּקָטְלִין בְּחַרְבָּא וְיִפְּלוּן, וְלֵית דְּרָדֵיף.
כו,לז וְכָשְׁלוּ אִישׁ-בְּאָחִיו כְּמִפְּנֵי-חֶרֶב, וְרֹדֵף אָיִן; וְלֹא-תִהְיֶה לָכֶם תְּקוּמָה, לִפְנֵי אֹיְבֵיכֶם. וְיִתַּקְלוּן גְּבַר בַּאֲחוּהִי כִּד מִן קֳדָם דְּקָטְלִין בְּחַרְבָּא, וְרָדֵיף לָיִת; וְלָא תְּהֵי לְכוֹן תְּקוּמָה, קֳדָם בַּעֲלֵי דְּבָבֵיכוֹן.
כו,לח וַאֲבַדְתֶּם, בַּגּוֹיִם; וְאָכְלָה אֶתְכֶם, אֶרֶץ אֹיְבֵיכֶם. וְתֵיבְדוּן, בֵּינֵי עַמְמַיָּא; וּתְגַּמַּר יָתְכוֹן, אֲרַע בַּעֲלֵי דְּבָבֵיכוֹן.
כו,לט וְהַנִּשְׁאָרִים בָּכֶם, יִמַּקּוּ בַּעֲו‍ֹנָם, בְּאַרְצֹת, אֹיְבֵיכֶם; וְאַף בַּעֲו‍ֹנֹת אֲבֹתָם, אִתָּם יִמָּקּוּ. וּדְיִשְׁתְּאַרוּן בְּכוֹן, יִתְמְסוֹן בְּחוֹבֵיהוֹן, בְּאַרְעָתָא, דְּסָנְאֵיכוֹן; וְאַף בְּחוֹבֵי אֲבָהָתְהוֹן, בִּישַׁיָּא דַּאֲחִידִין בְּיַדְהוֹן יִתְמְסוֹן.
כו,מ וְהִתְוַדּוּ אֶת-עֲו‍ֹנָם וְאֶת-עֲו‍ֹן אֲבֹתָם, בְּמַעֲלָם אֲשֶׁר מָעֲלוּ-בִי, וְאַף, אֲשֶׁר-הָלְכוּ עִמִּי בְּקֶרִי. וִיוַדּוֹן יָת חוֹבֵיהוֹן וְיָת חוֹבֵי אֲבָהָתְהוֹן, בְּשִׁקְרְהוֹן דְּשַׁקַּרוּ בְּמֵימְרִי, וְאַף, דְּהַלִּיכוּ קֳדָמַי בְּקַשְׁיוּ.
כו,מא אַף-אֲנִי, אֵלֵךְ עִמָּם בְּקֶרִי, וְהֵבֵאתִי אֹתָם, בְּאֶרֶץ אֹיְבֵיהֶם; אוֹ-אָז יִכָּנַע, לְבָבָם הֶעָרֵל, וְאָז, יִרְצוּ אֶת-עֲו‍ֹנָם. אַף אֲנָא, אֲהָךְ עִמְּהוֹן בְּקַשְׁיוּ, וְאַעֵיל יָתְהוֹן, בַּאֲרַע בַּעֲלֵי דְּבָבֵיהוֹן; אוֹ בְּכֵין יִתְּבַר, לִבְּהוֹן טַפְשָׁא, וּבְכֵין, יִרְעוֹן יָת חוֹבֵיהוֹן.
כו,מב וְזָכַרְתִּי, אֶת-בְּרִיתִי יַעֲקוֹב; וְאַף אֶת-בְּרִיתִי יִצְחָק וְאַף אֶת-בְּרִיתִי אַבְרָהָם, אֶזְכֹּר--וְהָאָרֶץ אֶזְכֹּר. וּדְכִירְנָא, יָת קְיָמִי דְּעִם יַעֲקוֹב; וְאַף יָת קְיָמִי דְּעִם יִצְחָק וְאַף יָת קְיָמִי דְּעִם אַבְרָהָם, אֲנָא דְּכִיר--וְאַרְעָא אֲנָא דְּכִיר.
כו,מג וְהָאָרֶץ תֵּעָזֵב מֵהֶם וְתִרֶץ אֶת-שַׁבְּתֹתֶיהָ, בָּהְשַׁמָּה מֵהֶם, וְהֵם, יִרְצוּ אֶת-עֲו‍ֹנָם; יַעַן וּבְיַעַן--בְּמִשְׁפָּטַי מָאָסוּ, וְאֶת-חֻקֹּתַי גָּעֲלָה נַפְשָׁם. וְאַרְעָא תִּתְרְטֵישׁ מִנְּהוֹן וְתִרְעֵי יָת שְׁמִטַּהָא, בְּדִצְדִּיאַת מִנְּהוֹן, וְאִנּוּן, יִרְעוֹן יָת חוֹבֵיהוֹן; לְוָטִין חֲלָף בִּרְכָן אַיְתִי עֲלֵיהוֹן--דִּבְדִינַי קַצוּ, וְיָת קְיָמַי רַחֵיקַת נַפְשְׁהוֹן.
כו,מד וְאַף-גַּם-זֹאת בִּהְיוֹתָם בְּאֶרֶץ אֹיְבֵיהֶם, לֹא-מְאַסְתִּים וְלֹא-גְעַלְתִּים לְכַלֹּתָם--לְהָפֵר בְּרִיתִי, אִתָּם:  כִּי אֲנִי יְהוָה, אֱלֹהֵיהֶם. וְאַף בְּרַם דָּא בְּמִהְוֵיהוֹן בַּאֲרַע בַּעֲלֵי דְּבָבֵיהוֹן, לָא אַרְטוֹשִׁנּוּן וְלָא אֲרַחֵיקִנּוּן לְשֵׁיצָיוּתְהוֹן--לְאַשְׁנָאָה קְיָמִי, עִמְּהוֹן:  אֲרֵי אֲנָא יְיָ, אֱלָהֲהוֹן.
כו,מה וְזָכַרְתִּי לָהֶם, בְּרִית רִאשֹׁנִים:  אֲשֶׁר הוֹצֵאתִי-אֹתָם מֵאֶרֶץ מִצְרַיִם לְעֵינֵי הַגּוֹיִם, לִהְיוֹת לָהֶם לֵאלֹהִים--אֲנִי יְהוָה. וּדְכִירְנָא לְהוֹן, קְיָם קַדְמָאֵי:  דְּאַפֵּיקִית יָתְהוֹן מֵאַרְעָא דְּמִצְרַיִם לְעֵינֵי עַמְמַיָּא, לְמִהְוֵי לְהוֹן לֶאֱלָהּ--אֲנָא יְיָ.
כו,מו אֵלֶּה הַחֻקִּים וְהַמִּשְׁפָּטִים, וְהַתּוֹרֹת, אֲשֶׁר נָתַן יְהוָה, בֵּינוֹ וּבֵין בְּנֵי יִשְׂרָאֵל--בְּהַר סִינַי, בְּיַד-מֹשֶׁה.  {פ} אִלֵּין קְיָמַיָּא וְדִינַיָּא, וְאוֹרָיָתָא, דִּיהַב יְיָ, בֵּין מֵימְרֵיהּ וּבֵין בְּנֵי יִשְׂרָאֵל--בְּטוּרָא דְּסִינַי, בִּידָא דְּמֹשֶׁה.  {פ}
כז,א וַיְדַבֵּר יְהוָה, אֶל-מֹשֶׁה לֵּאמֹר. וּמַלֵּיל יְיָ, עִם מֹשֶׁה לְמֵימַר.
כז,ב דַּבֵּר אֶל-בְּנֵי יִשְׂרָאֵל, וְאָמַרְתָּ אֲלֵהֶם, אִישׁ, כִּי יַפְלִא נֶדֶר--בְּעֶרְכְּךָ נְפָשֹׁת, לַיהוָה. מַלֵּיל עִם בְּנֵי יִשְׂרָאֵל, וְתֵימַר לְהוֹן, גְּבַר, אֲרֵי יְפָרֵישׁ נְדַר--בְּפֻרְסַן נַפְשָׁתָא, קֳדָם יְיָ.
כז,ג וְהָיָה עֶרְכְּךָ, הַזָּכָר, מִבֶּן עֶשְׂרִים שָׁנָה, וְעַד בֶּן-שִׁשִּׁים שָׁנָה:  וְהָיָה עֶרְכְּךָ, חֲמִשִּׁים שֶׁקֶל כֶּסֶף--בְּשֶׁקֶל הַקֹּדֶשׁ. וִיהֵי פֻּרְסָנֵיהּ, דִּדְכוּרָא, מִבַּר עַסְרִין שְׁנִין, וְעַד בַּר שִׁתִּין שְׁנִין:  וִיהֵי פֻּרְסָנֵיהּ, חַמְשִׁין סִלְעִין דִּכְסַף--בְּסִלְעֵי קֻדְשָׁא.
כז,ד וְאִם-נְקֵבָה, הִוא--וְהָיָה עֶרְכְּךָ, שְׁלֹשִׁים שָׁקֶל. וְאִם נֻקְבְּתָא, הִיא--וִיהֵי פֻּרְסָנַהּ, תְּלָתִין סִלְעִין.
כז,ה וְאִם מִבֶּן-חָמֵשׁ שָׁנִים, וְעַד בֶּן-עֶשְׂרִים שָׁנָה--וְהָיָה עֶרְכְּךָ הַזָּכָר, עֶשְׂרִים שְׁקָלִים; וְלַנְּקֵבָה, עֲשֶׂרֶת שְׁקָלִים. וְאִם מִבַּר חֲמֵישׁ שְׁנִין, וְעַד בַּר עַסְרִין שְׁנִין--וִיהֵי פֻּרְסָנֵיהּ דִּדְכוּרָא, עַסְרִין סִלְעִין; וּלְנֻקְבְּתָא, עֲסַר סִלְעִין.
כז,ו וְאִם מִבֶּן-חֹדֶשׁ, וְעַד בֶּן-חָמֵשׁ שָׁנִים--וְהָיָה עֶרְכְּךָ הַזָּכָר, חֲמִשָּׁה שְׁקָלִים כָּסֶף; וְלַנְּקֵבָה עֶרְכְּךָ, שְׁלֹשֶׁת שְׁקָלִים כָּסֶף. וְאִם מִבַּר יַרְחָא, וְעַד בַּר חֲמֵישׁ שְׁנִין--וִיהֵי פֻּרְסָנֵיהּ דִּדְכוּרָא, חֲמֵישׁ סִלְעִין דִּכְסַף; וּלְנֻקְבְּתָא פֻּרְסָנַהּ, תְּלָת סִלְעִין דִּכְסַף.
כז,ז וְאִם מִבֶּן-שִׁשִּׁים שָׁנָה וָמַעְלָה, אִם-זָכָר--וְהָיָה עֶרְכְּךָ, חֲמִשָּׁה עָשָׂר שָׁקֶל; וְלַנְּקֵבָה, עֲשָׂרָה שְׁקָלִים. וְאִם מִבַּר שִׁתִּין שְׁנִין וּלְעֵילָא, אִם דְּכוּרָא--וִיהֵי פֻּרְסָנֵיהּ, חֲמֵישׁ עֲסַר סִלְעִין; וּלְנֻקְבְּתָא, עֲסַר סִלְעִין.
כז,ח וְאִם-מָךְ הוּא, מֵעֶרְכֶּךָ--וְהֶעֱמִידוֹ לִפְנֵי הַכֹּהֵן, וְהֶעֱרִיךְ אֹתוֹ הַכֹּהֵן:  עַל-פִּי, אֲשֶׁר תַּשִּׂיג יַד הַנֹּדֵר--יַעֲרִיכֶנּוּ, הַכֹּהֵן.  {ס} וְאִם מִסְכֵּין הוּא, מִפֻּרְסָנֵיהּ--וִיקִימִנֵּיהּ קֳדָם כָּהֲנָא, וְיִפְרוֹס יָתֵיהּ כָּהֲנָא:  עַל פֹּם, דְּתַדְבֵּיק יַד נָדְרָא--יִפְרְסִנֵּיהּ, כָּהֲנָא.  {ס}
כז,ט וְאִם-בְּהֵמָה--אֲשֶׁר יַקְרִיבוּ מִמֶּנָּה קָרְבָּן, לַיהוָה:  כֹּל אֲשֶׁר יִתֵּן מִמֶּנּוּ לַיהוָה, יִהְיֶה-קֹּדֶשׁ. וְאִם בְּעִירָא--דִּיקָרְבוּן מִנַּהּ קֻרְבָּנָא, קֳדָם יְיָ:  כֹּל דְּיִתֵּין מִנֵּיהּ קֳדָם יְיָ, יְהֵי קֻדְשָׁא.
כז,י לֹא יַחֲלִיפֶנּוּ, וְלֹא-יָמִיר אֹתוֹ טוֹב בְּרָע--אוֹ-רַע בְּטוֹב; וְאִם-הָמֵר יָמִיר בְּהֵמָה בִּבְהֵמָה, וְהָיָה-הוּא וּתְמוּרָתוֹ יִהְיֶה-קֹּדֶשׁ. לָא יְחַלְּפִנֵּיהּ, וְלָא יַעְבַּר יָתֵיהּ טָב בְּבִישׁ--אוֹ בִּישׁ בְּטָב; וְאִם חַלָּפָא יְחַלֵּיף בְּעִירָא בִּבְעִירָא, וִיהֵי הוּא וְחִלּוּפֵיהּ יְהֵי קֻדְשָׁא.
כז,יא וְאִם, כָּל-בְּהֵמָה טְמֵאָה, אֲשֶׁר לֹא-יַקְרִיבוּ מִמֶּנָּה קָרְבָּן, לַיהוָה--וְהֶעֱמִיד אֶת-הַבְּהֵמָה, לִפְנֵי הַכֹּהֵן. וְאִם, כָּל בְּעִירָא מְסָאֲבָא, דְּלָא יְקָרְבוּן מִנַּהּ קֻרְבָּנָא, קֳדָם יְיָ--וִיקִים יָת בְּעִירָא, קֳדָם כָּהֲנָא.
כז,יב וְהֶעֱרִיךְ הַכֹּהֵן אֹתָהּ, בֵּין טוֹב וּבֵין רָע:  כְּעֶרְכְּךָ הַכֹּהֵן, כֵּן יִהְיֶה. וְיִפְרוֹס כָּהֲנָא יָתַהּ, בֵּין טָב וּבֵין בִּישׁ:  כְּפֻרְסַן כָּהֲנָא, כֵּין יְהֵי.
כז,יג וְאִם-גָּאֹל, יִגְאָלֶנָּה--וְיָסַף חֲמִישִׁתוֹ, עַל-עֶרְכֶּךָ. וְאִם מִפְרָק, יִפְרְקִנַּהּ--וְיוֹסֵיף חֻמְשֵׁיהּ, עַל פֻּרְסָנֵיהּ.
כז,יד וְאִישׁ, כִּי-יַקְדִּשׁ אֶת-בֵּיתוֹ קֹדֶשׁ לַיהוָה--וְהֶעֱרִיכוֹ הַכֹּהֵן, בֵּין טוֹב וּבֵין רָע:  כַּאֲשֶׁר יַעֲרִיךְ אֹתוֹ הַכֹּהֵן, כֵּן יָקוּם. וּגְבַר, אֲרֵי יַקְדֵּישׁ יָת בֵּיתֵיהּ קֻדְשָׁא קֳדָם יְיָ--וְיִפְרְסִנֵּיהּ כָּהֲנָא, בֵּין טָב וּבֵין בִּישׁ:  כְּמָא דְּיִפְרוֹס יָתֵיהּ כָּהֲנָא, כֵּין יְקוּם.
כז,טו וְאִם-הַמַּקְדִּישׁ--יִגְאַל, אֶת-בֵּיתוֹ:  וְיָסַף חֲמִישִׁית כֶּסֶף-עֶרְכְּךָ, עָלָיו--וְהָיָה לוֹ. וְאִם דְּאַקְדֵּישׁ--יִפְרוֹק, יָת בֵּיתֵיהּ:  וְיוֹסֵיף חֹמֶשׁ כְּסַף פֻּרְסָנֵיהּ, עֲלוֹהִי--וִיהֵי לֵיהּ.
כז,טז וְאִם מִשְּׂדֵה אֲחֻזָּתוֹ, יַקְדִּישׁ אִישׁ לַיהוָה--וְהָיָה עֶרְכְּךָ, לְפִי זַרְעוֹ:  זֶרַע חֹמֶר שְׂעֹרִים, בַּחֲמִשִּׁים שֶׁקֶל כָּסֶף. וְאִם מֵחֲקַל אַחְסָנְתֵיהּ, יַקְדֵּישׁ גְּבַר קֳדָם יְיָ--וִיהֵי פֻּרְסָנֵיהּ, לְפֹם זַרְעֵיהּ:  בֵּית זְרַע כּוֹר סְעָרִין, בְּחַמְשִׁין סִלְעִין דִּכְסַף.
כז,יז אִם-מִשְּׁנַת הַיֹּבֵל, יַקְדִּישׁ שָׂדֵהוּ--כְּעֶרְכְּךָ, יָקוּם. אִם מִשַּׁתָּא דְּיוֹבֵילָא, יַקְדֵישׁ חַקְלֵיהּ--כְּפֻרְסָנֵיהּ, יְקוּם.
כז,יח וְאִם-אַחַר הַיֹּבֵל, יַקְדִּישׁ שָׂדֵהוּ--וְחִשַּׁב-לוֹ הַכֹּהֵן אֶת-הַכֶּסֶף עַל-פִּי הַשָּׁנִים הַנּוֹתָרֹת, עַד שְׁנַת הַיֹּבֵל; וְנִגְרַע, מֵעֶרְכֶּךָ. וְאִם בָּתַר יוֹבֵילָא, יַקְדֵּישׁ חַקְלֵיהּ--וִיחַשֵּׁיב לֵיהּ כָּהֲנָא יָת כַּסְפָּא עַל פֹּם שְׁנַיָּא דְּאִשְׁתְּאַרָא, עַד שַׁתָּא דְּיוֹבֵילָא; וְיִתְמְנַע, מִפֻּרְסָנֵיהּ.
כז,יט וְאִם-גָּאֹל יִגְאַל אֶת-הַשָּׂדֶה, הַמַּקְדִּישׁ אֹתוֹ:  וְיָסַף חֲמִשִׁית כֶּסֶף-עֶרְכְּךָ, עָלָיו--וְקָם לוֹ. וְאִם מִפְרָק יִפְרוֹק יָת חַקְלָא, דְּאַקְדֵּישׁ יָתֵיהּ:  וְיוֹסֵיף חֹמֶשׁ כְּסַף פֻּרְסָנֵיהּ, עֲלוֹהִי--וִיקוּם לֵיהּ.
כז,כ וְאִם-לֹא יִגְאַל אֶת-הַשָּׂדֶה, וְאִם-מָכַר אֶת-הַשָּׂדֶה לְאִישׁ אַחֵר--לֹא יִגָּאֵל, עוֹד. וְאִם לָא יִפְרוֹק יָת חַקְלָא, וְאִם זַבֵּין יָת חַקְלָא לִגְבַר אָחֳרָן--לָא יִתְפְּרֵיק, עוֹד.
כז,כא וְהָיָה הַשָּׂדֶה בְּצֵאתוֹ בַיֹּבֵל, קֹדֶשׁ לַיהוָה--כִּשְׂדֵה הַחֵרֶם:  לַכֹּהֵן, תִּהְיֶה אֲחֻזָּתוֹ. וִיהֵי חַקְלָא בְּמִפְּקֵיהּ בְּיוֹבֵילָא, קֻדְשָׁא קֳדָם יְיָ--כַּחֲקַל חֶרְמָא:  לְכָהֲנָא, תְּהֵי אַחְסָנְתֵיהּ.
כז,כב וְאִם, אֶת-שְׂדֵה מִקְנָתוֹ, אֲשֶׁר, לֹא מִשְּׂדֵה אֲחֻזָּתוֹ--יַקְדִּישׁ, לַיהוָה. וְאִם יָת חֲקַל זְבִינוֹהִי, דְּלָא מֵחֲקַל אַחְסָנְתֵיהּ--יַקְדֵּישׁ, קֳדָם יְיָ.
כז,כג וְחִשַּׁב-לוֹ הַכֹּהֵן, אֵת מִכְסַת הָעֶרְכְּךָ, עַד, שְׁנַת הַיֹּבֵל; וְנָתַן אֶת-הָעֶרְכְּךָ בַּיּוֹם הַהוּא, קֹדֶשׁ לַיהוָה. וִיחַשֵּׁיב לֵיהּ כָּהֲנָא, יָת נְסִיב פֻּרְסָנֵיהּ, עַד, שַׁתָּא דְּיוֹבֵילָא; וְיִתֵּין יָת פֻּרְסָנֵיהּ בְּיוֹמָא הַהוּא, קֻדְשָׁא קֳדָם יְיָ.
כז,כד בִּשְׁנַת הַיּוֹבֵל יָשׁוּב הַשָּׂדֶה, לַאֲשֶׁר קָנָהוּ מֵאִתּוֹ--לַאֲשֶׁר-לוֹ, אֲחֻזַּת הָאָרֶץ. בְּשַׁתָּא דְּיוֹבֵילָא יְתוּב חַקְלָא, לִדְזַבְנֵיהּ מִנֵּיהּ--לִדְדִּילֵיהּ, אַחְסָנַת אַרְעָא.
כז,כה וְכָל-עֶרְכְּךָ--יִהְיֶה, בְּשֶׁקֶל הַקֹּדֶשׁ:  עֶשְׂרִים גֵּרָה, יִהְיֶה הַשָּׁקֶל. וְכָל פֻּרְסָנֵיהּ--יְהֵי, בְּסִלְעֵי קֻדְשָׁא:  עַסְרִין מָעִין, יְהֵי סִלְעָא.
כז,כו אַךְ-בְּכוֹר אֲשֶׁר-יְבֻכַּר לַיהוָה, בִּבְהֵמָה--לֹא-יַקְדִּישׁ אִישׁ, אֹתוֹ:  אִם-שׁוֹר אִם-שֶׂה, לַיהוָה הוּא. בְּרַם בֻּכְרָא דְּיִתְבַּכַּר קֳדָם יְיָ, בִּבְעִירָא--לָא יַקְדֵּישׁ גְּבַר, יָתֵיהּ:  אִם תּוֹר אִם אִמַּר, דַּייָ הוּא.
כז,כז וְאִם בַּבְּהֵמָה הַטְּמֵאָה וּפָדָה בְעֶרְכֶּךָ, וְיָסַף חֲמִשִׁתוֹ עָלָיו; וְאִם-לֹא יִגָּאֵל, וְנִמְכַּר בְּעֶרְכֶּךָ. וְאִם בִּבְעִירָא מְסָאֲבָא וְיִפְרוֹק בְּפֻרְסָנֵיהּ, וְיוֹסֵיף חֻמְשֵׁיהּ עֲלוֹהִי; וְאִם לָא יִתְפְּרֵיק, וְיִזְדַּבַּן בְּפֻרְסָנֵיהּ.
כז,כח אַךְ-כָּל-חֵרֶם אֲשֶׁר יַחֲרִם אִישׁ לַיהוָה מִכָּל-אֲשֶׁר-לוֹ, מֵאָדָם וּבְהֵמָה וּמִשְּׂדֵה אֲחֻזָּתוֹ--לֹא יִמָּכֵר, וְלֹא יִגָּאֵל:  כָּל-חֵרֶם, קֹדֶשׁ-קָדָשִׁים הוּא לַיהוָה. בְּרַם כָּל חֶרְמָא דְּיַחְרֵים גְּבַר קֳדָם יְיָ מִכָּל דְּלֵיהּ, מֵאֲנָשָׁא וּבְעִירָא וּמֵחֲקַל אַחְסָנְתֵיהּ--לָא יִזְדַּבַּן, וְלָא יִתְפְּרֵיק:  כָּל חֶרְמָא, קֹדֶשׁ קֻדְשִׁין הוּא קֳדָם יְיָ.
כז,כט כָּל-חֵרֶם, אֲשֶׁר יָחֳרַם מִן-הָאָדָם--לֹא יִפָּדֶה:  מוֹת, יוּמָת. כָּל חֶרְמָא, דְּיִתַּחְרַם מִן אֲנָשָׁא--לָא יִתְפְּרֵיק:  אִתְקְטָלָא, יִתְקְטִיל.
כז,ל וְכָל-מַעְשַׂר הָאָרֶץ מִזֶּרַע הָאָרֶץ, מִפְּרִי הָעֵץ--לַיהוָה, הוּא:  קֹדֶשׁ, לַיהוָה. וְכָל מַעְסַר אַרְעָא מִזַּרְעָא דְּאַרְעָא, מִפֵּירֵי אִילָנָא--דַּייָ, הוּא:  קֻדְשָׁא, קֳדָם יְיָ.
כז,לא וְאִם-גָּאֹל יִגְאַל אִישׁ, מִמַּעַשְׂרוֹ--חֲמִשִׁיתוֹ, יֹסֵף עָלָיו. וְאִם מִפְרָק יִפְרוֹק גְּבַר, מִמַּעַסְרֵיהּ--חֻמְשֵׁיהּ, יוֹסֵיף עֲלוֹהִי.
כז,לב וְכָל-מַעְשַׂר בָּקָר וָצֹאן, כֹּל אֲשֶׁר-יַעֲבֹר תַּחַת הַשָּׁבֶט--הָעֲשִׂירִי, יִהְיֶה-קֹּדֶשׁ לַיהוָה. וְכָל מַעְסַר תּוֹרִין וְעָן, כֹּל דְּיִעְבַּר תְּחוֹת חֻטְרָא--עֲסִירָאָה, יְהֵי קֻדְשָׁא קֳדָם יְיָ.
כז,לג לֹא יְבַקֵּר בֵּין-טוֹב לָרַע, וְלֹא יְמִירֶנּוּ; וְאִם-הָמֵר יְמִירֶנּוּ, וְהָיָה-הוּא וּתְמוּרָתוֹ יִהְיֶה-קֹּדֶשׁ לֹא יִגָּאֵל. לָא יְבַקַּר בֵּין טָב לְבִישׁ, וְלָא יְחַלְּפִנֵּיהּ; וְאִם חַלָּפָא יְחַלְּפִנֵּיהּ, וִיהֵי הוּא וְחִלּוּפֵיהּ יְהֵי קֻדְשָׁא לָא יִתְפְּרֵיק.
כז,לד אֵלֶּה הַמִּצְו‍ֹת, אֲשֶׁר צִוָּה יְהוָה אֶת-מֹשֶׁה--אֶל-בְּנֵי יִשְׂרָאֵל:  בְּהַר, סִינָי.  {ש} אִלֵּין פִּקּוֹדַיָּא, דְּפַקֵּיד יְיָ יָת מֹשֶׁה--לְוָת בְּנֵי יִשְׂרָאֵל:  בְּטוּרָא, דְּסִינָי.  {ש}