פרשות השבוע | "שמיני" פרשנות קבלית
פרשת "שמיני" עם תרגום אונקלוס

"ויקרא פרק ט פסוק א עד פרק י"א פסוק מ"ז.


ט,א וַיְהִי, בַּיּוֹם הַשְּׁמִינִי, קָרָא מֹשֶׁה, לְאַהֲרֹן וּלְבָנָיו--וּלְזִקְנֵי, יִשְׂרָאֵל. וַהֲוָה, בְּיוֹמָא תְּמִינָאָה, קְרָא מֹשֶׁה, לְאַהֲרוֹן וְלִבְנוֹהִי--וּלְסָבֵי, יִשְׂרָאֵל.
ט,ב וַיֹּאמֶר אֶל-אַהֲרֹן, קַח-לְךָ עֵגֶל בֶּן-בָּקָר לְחַטָּאת וְאַיִל לְעֹלָה--תְּמִימִם; וְהַקְרֵב, לִפְנֵי יְהוָה. וַאֲמַר לְאַהֲרוֹן, סַב לָךְ עֵיגַל בַּר תּוֹרֵי לְחַטָּתָא וּדְכַר לַעֲלָתָא--שַׁלְמִין; וְקָרֵיב, קֳדָם יְיָ.
ט,ג וְאֶל-בְּנֵי יִשְׂרָאֵל, תְּדַבֵּר לֵאמֹר:  קְחוּ שְׂעִיר-עִזִּים לְחַטָּאת, וְעֵגֶל וָכֶבֶשׂ בְּנֵי-שָׁנָה תְּמִימִם לְעֹלָה. וְעִם בְּנֵי יִשְׂרָאֵל, תְּמַלֵּיל לְמֵימַר:  סַבוּ צְפִיר בַּר עִזִּין לְחַטָּתָא, וְעֵיגַל וְאִמַּר בְּנֵי שְׁנָא שַׁלְמִין לַעֲלָתָא.
ט,ד וְשׁוֹר וָאַיִל לִשְׁלָמִים, לִזְבֹּחַ לִפְנֵי יְהוָה, וּמִנְחָה, בְּלוּלָה בַשָּׁמֶן:  כִּי הַיּוֹם, יְהוָה נִרְאָה אֲלֵיכֶם. וְתוֹר וּדְכַר לְנִכְסַת קֻדְשַׁיָּא, לְדַבָּחָא קֳדָם יְיָ, וּמִנְחָתָא, דְּפִילָא בִּמְשַׁח:  אֲרֵי יוֹמָא דֵּין, יְקָרָא דַּייָ מִתְגְּלֵי לְכוֹן.
ט,ה וַיִּקְחוּ, אֵת אֲשֶׁר צִוָּה מֹשֶׁה, אֶל-פְּנֵי, אֹהֶל מוֹעֵד; וַיִּקְרְבוּ, כָּל-הָעֵדָה, וַיַּעַמְדוּ, לִפְנֵי יְהוָה. וְקָרִיבוּ, יָת דְּפַקֵּיד מֹשֶׁה, לִקְדָם, מַשְׁכַּן זִמְנָא; וּקְרִיבוּ, כָּל כְּנִשְׁתָּא, וְקָמוּ, קֳדָם יְיָ.
ט,ו וַיֹּאמֶר מֹשֶׁה, זֶה הַדָּבָר אֲשֶׁר-צִוָּה יְהוָה תַּעֲשׂוּ--וְיֵרָא אֲלֵיכֶם, כְּבוֹד יְהוָה. וַאֲמַר מֹשֶׁה, דֵּין פִּתְגָמָא דְּפַקֵּיד יְיָ תַּעְבְּדוּן--וְיִתְגְּלֵי לְכוֹן, יְקָרָא דַּייָ.
ט,ז וַיֹּאמֶר מֹשֶׁה אֶל-אַהֲרֹן, קְרַב אֶל-הַמִּזְבֵּחַ וַעֲשֵׂה אֶת-חַטָּאתְךָ וְאֶת-עֹלָתֶךָ, וְכַפֵּר בַּעַדְךָ, וּבְעַד הָעָם; וַעֲשֵׂה אֶת-קָרְבַּן הָעָם, וְכַפֵּר בַּעֲדָם, כַּאֲשֶׁר, צִוָּה יְהוָה. וַאֲמַר מֹשֶׁה לְאַהֲרוֹן, קְרַב לְמַדְבְּחָא וַעֲבֵיד יָת חַטָּתָךְ וְיָת עֲלָתָךְ, וְכַפַּר עֲלָךְ, וְעַל עַמָּא; וַעֲבֵיד יָת קֻרְבַּן עַמָּא, וְכַפַּר עֲלֵיהוֹן--כְּמָא דְּפַקֵּיד יְיָ.
ט,ח וַיִּקְרַב אַהֲרֹן, אֶל-הַמִּזְבֵּחַ; וַיִּשְׁחַט אֶת-עֵגֶל הַחַטָּאת, אֲשֶׁר-לוֹ. וּקְרֵיב אַהֲרוֹן, לְמַדְבְּחָא; וּנְכַס יָת עִגְלָא דְּחַטָּתָא, דִּילֵיהּ.
ט,ט וַיַּקְרִבוּ בְּנֵי אַהֲרֹן אֶת-הַדָּם, אֵלָיו, וַיִּטְבֹּל אֶצְבָּעוֹ בַּדָּם, וַיִּתֵּן עַל-קַרְנוֹת הַמִּזְבֵּחַ; וְאֶת-הַדָּם יָצַק, אֶל-יְסוֹד הַמִּזְבֵּחַ. וְקָרִיבוּ בְּנֵי אַהֲרוֹן יָת דְּמָא, לֵיהּ, וּטְבַל אֶצְבְּעֵיהּ בִּדְמָא, וִיהַב עַל קַרְנָת מַדְבְּחָא; וְיָת דְּמָא אֲרֵיק, לִיסוֹדָא דְּמַדְבְּחָא.
ט,י וְאֶת-הַחֵלֶב וְאֶת-הַכְּלָיֹת וְאֶת-הַיֹּתֶרֶת מִן-הַכָּבֵד, מִן-הַחַטָּאת--הִקְטִיר, הַמִּזְבֵּחָה:  כַּאֲשֶׁר צִוָּה יְהוָה, אֶת-מֹשֶׁה. וְיָת תַּרְבָּא וְיָת כּוֹלְיָתָא וְיָת חַצְרָא מִן כַּבְדָּא, מִן חַטָּתָא--אַסֵּיק, לְמַדְבְּחָא:  כְּמָא דְּפַקֵּיד יְיָ, יָת מֹשֶׁה.
ט,יא וְאֶת-הַבָּשָׂר, וְאֶת-הָעוֹר, שָׂרַף בָּאֵשׁ, מִחוּץ לַמַּחֲנֶה. וְיָת בִּסְרָא, וְיָת מַשְׁכָּא, אוֹקֵיד בְּנוּרָא, מִבַּרָא לְמַשְׁרִיתָא.
ט,יב וַיִּשְׁחַט, אֶת-הָעֹלָה; וַיַּמְצִאוּ בְּנֵי אַהֲרֹן אֵלָיו, אֶת-הַדָּם, וַיִּזְרְקֵהוּ עַל-הַמִּזְבֵּחַ, סָבִיב. וּנְכַס, יָת עֲלָתָא; וְאַמְטִיאוּ בְּנֵי אַהֲרוֹן לֵיהּ, יָת דְּמָא, וְזַרְקֵיהּ עַל מַדְבְּחָא, סְחוֹר סְחוֹר.
ט,יג וְאֶת-הָעֹלָה, הִמְצִיאוּ אֵלָיו לִנְתָחֶיהָ--וְאֶת-הָרֹאשׁ; וַיַּקְטֵר, עַל-הַמִּזְבֵּחַ. וְיָת עֲלָתָא, אַמְטִיאוּ לֵיהּ לְאֶבְרַהָא--וְיָת רֵישָׁא; וְאַסֵּיק, עַל מַדְבְּחָא.
ט,יד וַיִּרְחַץ אֶת-הַקֶּרֶב, וְאֶת-הַכְּרָעָיִם; וַיַּקְטֵר עַל-הָעֹלָה, הַמִּזְבֵּחָה. וְחַלֵּיל יָת גַּוָּא, וְיָת כְּרָעַיָּא; וְאַסֵּיק עַל עֲלָתָא, לְמַדְבְּחָא.
ט,טו וַיַּקְרֵב, אֵת קָרְבַּן הָעָם; וַיִּקַּח אֶת-שְׂעִיר הַחַטָּאת, אֲשֶׁר לָעָם, וַיִּשְׁחָטֵהוּ וַיְחַטְּאֵהוּ, כָּרִאשׁוֹן. וְקָרֵיב, יָת קֻרְבַּן עַמָּא; וּנְסֵיב יָת צְפִירָא דְּחַטָּתָא, דִּלְעַמָּא, וְנַכְסֵיהּ וְכַפַּר בִּדְמֵיהּ, כְּקַדְמָאָה.
ט,טז וַיַּקְרֵב, אֶת-הָעֹלָה; וַיַּעֲשֶׂהָ, כַּמִּשְׁפָּט. וְקָרֵיב, יָת עֲלָתָא; וְעַבְדַהּ, כְּדַחְזֵי.
ט,יז וַיַּקְרֵב, אֶת-הַמִּנְחָה, וַיְמַלֵּא כַפּוֹ מִמֶּנָּה, וַיַּקְטֵר עַל-הַמִּזְבֵּחַ--מִלְּבַד, עֹלַת הַבֹּקֶר. וְקָרֵיב, יָת מִנְחָתָא, וּמְלָא יְדֵיהּ מִנַּהּ, וְאַסֵּיק עַל מַדְבְּחָא--בָּר מֵעֲלַת צַפְרָא.
ט,יח וַיִּשְׁחַט אֶת-הַשּׁוֹר וְאֶת-הָאַיִל, זֶבַח הַשְּׁלָמִים אֲשֶׁר לָעָם; וַיַּמְצִאוּ בְּנֵי אַהֲרֹן אֶת-הַדָּם, אֵלָיו, וַיִּזְרְקֵהוּ עַל-הַמִּזְבֵּחַ, סָבִיב. וּנְכַס יָת תּוֹרָא וְיָת דִּכְרָא, נִכְסַת קֻדְשַׁיָּא דִּלְעַמָּא; וְאַמְטִיאוּ בְּנֵי אַהֲרוֹן יָת דְּמָא, לֵיהּ, וְזַרְקֵיהּ עַל מַדְבְּחָא, סְחוֹר סְחוֹר.
ט,יט וְאֶת-הַחֲלָבִים, מִן-הַשּׁוֹר; וּמִן-הָאַיִל--הָאַלְיָה וְהַמְכַסֶּה וְהַכְּלָיֹת, וְיֹתֶרֶת הַכָּבֵד. וְיָת תַּרְבַּיָּא, מִן תּוֹרָא; וּמִן דִּכְרָא--אַלְיְתָא וְחָפֵי גַּוָּא וְכוֹלְיָתָא, וַחֲצַר כַּבְדָּא.
ט,כ וַיָּשִׂימוּ אֶת-הַחֲלָבִים, עַל-הֶחָזוֹת; וַיַּקְטֵר הַחֲלָבִים, הַמִּזְבֵּחָה. וְשַׁוִּיאוּ יָת תַּרְבַּיָּא, עַל חֲדָוָתָא; וְאַסֵּיק תַּרְבַּיָּא, לְמַדְבְּחָא.
ט,כא וְאֵת הֶחָזוֹת, וְאֵת שׁוֹק הַיָּמִין, הֵנִיף אַהֲרֹן תְּנוּפָה, לִפְנֵי יְהוָה--כַּאֲשֶׁר, צִוָּה מֹשֶׁה. וְיָת חֲדָוָתָא, וְיָת שָׁקָא דְּיַמִּינָא, אֲרֵים אַהֲרוֹן אֲרָמָא, קֳדָם יְיָ--כְּמָא דְּפַקֵּיד מֹשֶׁה.
ט,כב וַיִּשָּׂא אַהֲרֹן אֶת-יָדָו אֶל-הָעָם, וַיְבָרְכֵם; וַיֵּרֶד, מֵעֲשֹׂת הַחַטָּאת וְהָעֹלָה--וְהַשְּׁלָמִים. וַאֲרֵים אַהֲרוֹן יָת יְדוֹהִי לְעַמָּא, וּבָרֵיכִנּוּן; וּנְחַת, מִלְּמֶעֱבַד חַטָּתָא וַעֲלָתָא--וְנִכְסַת קֻדְשַׁיָּא.
ט,כג וַיָּבֹא מֹשֶׁה וְאַהֲרֹן, אֶל-אֹהֶל מוֹעֵד, וַיֵּצְאוּ, וַיְבָרְכוּ אֶת-הָעָם; וַיֵּרָא כְבוֹד-יְהוָה, אֶל-כָּל-הָעָם. וְעָאל מֹשֶׁה וְאַהֲרוֹן, לְמַשְׁכַּן זִמְנָא, וּנְפַקוּ, וּבָרִיכוּ יָת עַמָּא; וְאִתְגְּלִי יְקָרָא דַּייָ, לְכָל עַמָּא.
ט,כד וַתֵּצֵא אֵשׁ, מִלִּפְנֵי יְהוָה, וַתֹּאכַל עַל-הַמִּזְבֵּחַ, אֶת-הָעֹלָה וְאֶת-הַחֲלָבִים; וַיַּרְא כָּל-הָעָם וַיָּרֹנּוּ, וַיִּפְּלוּ עַל-פְּנֵיהֶם. וּנְפַקַת אִישָׁתָא, מִן קֳדָם יְיָ, וַאֲכַלַת עַל מַדְבְּחָא, יָת עֲלָתָא וְיָת תַּרְבַּיָּא; וַחֲזָא כָּל עַמָּא וְשַׁבַּחוּ, וּנְפַלוּ עַל אַפֵּיהוֹן.
י,א וַיִּקְחוּ בְנֵי-אַהֲרֹן נָדָב וַאֲבִיהוּא אִישׁ מַחְתָּתוֹ, וַיִּתְּנוּ בָהֵן אֵשׁ, וַיָּשִׂימוּ עָלֶיהָ, קְטֹרֶת; וַיַּקְרִיבוּ לִפְנֵי יְהוָה, אֵשׁ זָרָה--אֲשֶׁר לֹא צִוָּה, אֹתָם. וּנְסִיבוּ בְּנֵי אַהֲרוֹן נָדָב וַאֲבִיהוּא גְּבַר מַחְתִּיתֵיהּ, וִיהַבוּ בְּהוֹן אִישָׁתָא, וְשַׁוִּיאוּ עֲלַהּ, קְטֹרֶת בֻּסְמִין; וְקָרִיבוּ קֳדָם יְיָ, אִישָׁתָא נֻכְרֵיתָא--דְּלָא פַּקֵּיד, יָתְהוֹן.
י,ב וַתֵּצֵא אֵשׁ מִלִּפְנֵי יְהוָה, וַתֹּאכַל אוֹתָם; וַיָּמֻתוּ, לִפְנֵי יְהוָה. וּנְפַקַת אִישָׁתָא מִן קֳדָם יְיָ, וַאֲכַלַת יָתְהוֹן; וּמִיתוּ, קֳדָם יְיָ.
י,ג וַיֹּאמֶר מֹשֶׁה אֶל-אַהֲרֹן, הוּא אֲשֶׁר-דִּבֶּר יְהוָה לֵאמֹר בִּקְרֹבַי אֶקָּדֵשׁ, וְעַל-פְּנֵי כָל-הָעָם, אֶכָּבֵד; וַיִּדֹּם, אַהֲרֹן. וַאֲמַר מֹשֶׁה לְאַהֲרוֹן, הוּא דְּמַלֵּיל יְיָ לְמֵימַר בְּקָרִיבַי אֶתְקַדַּשׁ, וְעַל אַפֵּי כָּל עַמָּא, אֶתְיַקַּר; וּשְׁתֵיק, אַהֲרוֹן.
י,ד וַיִּקְרָא מֹשֶׁה, אֶל-מִישָׁאֵל וְאֶל אֶלְצָפָן, בְּנֵי עֻזִּיאֵל, דֹּד אַהֲרֹן; וַיֹּאמֶר אֲלֵהֶם, קִרְבוּ שְׂאוּ אֶת-אֲחֵיכֶם מֵאֵת פְּנֵי-הַקֹּדֶשׁ, אֶל-מִחוּץ, לַמַּחֲנֶה. וּקְרָא מֹשֶׁה, לְמִישָׁאֵל וּלְאֶלְצָפָן, בְּנֵי עֻזִּיאֵל, אַחְבּוּהִי דְּאַהֲרוֹן; וַאֲמַר לְהוֹן, קְרוּבוּ טוּלוּ יָת אֲחֵיכוֹן מִן קֳדָם אַפֵּי קֻדְשָׁא, לְמִבַּרָא, לְמַשְׁרִיתָא.
י,ה וַיִּקְרְבוּ, וַיִּשָּׂאֻם בְּכֻתֳּנֹתָם, אֶל-מִחוּץ, לַמַּחֲנֶה--כַּאֲשֶׁר, דִּבֶּר מֹשֶׁה. וּקְרִיבוּ, וּנְטַלוּנִין בְּכִתּוּנֵיהוֹן, לְמִבַּרָא, לְמַשְׁרִיתָא--כְּמָא דְּמַלֵּיל מֹשֶׁה.
י,ו וַיֹּאמֶר מֹשֶׁה אֶל-אַהֲרֹן וּלְאֶלְעָזָר וּלְאִיתָמָר בָּנָיו רָאשֵׁיכֶם אַל-תִּפְרָעוּ וּבִגְדֵיכֶם לֹא-תִפְרֹמוּ, וְלֹא תָמֻתוּ, וְעַל כָּל-הָעֵדָה, יִקְצֹף; וַאֲחֵיכֶם, כָּל-בֵּית יִשְׂרָאֵל--יִבְכּוּ אֶת-הַשְּׂרֵפָה, אֲשֶׁר שָׂרַף יְהוָה. וַאֲמַר מֹשֶׁה לְאַהֲרוֹן וּלְאֶלְעָזָר וּלְאִיתָמָר בְּנוֹהִי רֵישֵׁיכוֹן לָא תְּרַבּוֹן פֵּירוּעַ וּלְבוּשֵׁיכוֹן לָא תְּבַזְּעוּן, וְלָא תְּמוּתוּן, וְעַל כָּל כְּנִשְׁתָּא, יְהֵי רֻגְזָא; וַאֲחֵיכוֹן, כָּל בֵּית יִשְׂרָאֵל--יִבְכּוֹן יָת יְקֵידְתָא, דְּאוֹקֵיד יְיָ.
י,ז וּמִפֶּתַח אֹהֶל מוֹעֵד לֹא תֵצְאוּ, פֶּן-תָּמֻתוּ--כִּי-שֶׁמֶן מִשְׁחַת יְהוָה, עֲלֵיכֶם; וַיַּעֲשׂוּ, כִּדְבַר מֹשֶׁה.  {פ} וּמִתְּרַע מַשְׁכַּן זִמְנָא לָא תִּפְּקוּן, דִּלְמָא תְּמוּתוּן--אֲרֵי מְשַׁח רְבוּתָא דַּייָ, עֲלֵיכוֹן; וַעֲבַדוּ, כְּפִתְגָמָא דְּמֹשֶׁה.  {פ}
י,ח וַיְדַבֵּר יְהוָה, אֶל-אַהֲרֹן לֵאמֹר. וּמַלֵּיל יְיָ, עִם אַהֲרוֹן לְמֵימַר.
י,ט יַיִן וְשֵׁכָר אַל-תֵּשְׁתְּ אַתָּה וּבָנֶיךָ אִתָּךְ, בְּבֹאֲכֶם אֶל-אֹהֶל מוֹעֵד--וְלֹא תָמֻתוּ:  חֻקַּת עוֹלָם, לְדֹרֹתֵיכֶם. חֲמַר וּמְרַוֵּי לָא תִּשְׁתֵּי אַתְּ וּבְנָךְ עִמָּךְ, בְּמֵיעַלְכוֹן לְמַשְׁכַּן זִמְנָא--וְלָא תְּמוּתוּן:  קְיָם עָלַם, לְדָרֵיכוֹן.
י,י וּלְהַבְדִּיל, בֵּין הַקֹּדֶשׁ וּבֵין הַחֹל, וּבֵין הַטָּמֵא, וּבֵין הַטָּהוֹר. וּלְאַפְרָשָׁא, בֵּין קֻדְשָׁא וּבֵין חֻלָּא, וּבֵין מְסָאֲבָא, וּבֵין דָּכְיָא.
י,יא וּלְהוֹרֹת, אֶת-בְּנֵי יִשְׂרָאֵל--אֵת, כָּל-הַחֻקִּים, אֲשֶׁר דִּבֶּר יְהוָה אֲלֵיהֶם, בְּיַד-מֹשֶׁה.  {פ} וּלְאַלָּפָא, יָת בְּנֵי יִשְׂרָאֵל--יָת, כָּל קְיָמַיָּא, דְּמַלֵּיל יְיָ לְהוֹן, בִּידָא דְּמֹשֶׁה.  {פ}
י,יב וַיְדַבֵּר מֹשֶׁה אֶל-אַהֲרֹן, וְאֶל אֶלְעָזָר וְאֶל-אִיתָמָר בָּנָיו הַנּוֹתָרִים, קְחוּ אֶת-הַמִּנְחָה הַנּוֹתֶרֶת מֵאִשֵּׁי יְהוָה, וְאִכְלוּהָ מַצּוֹת אֵצֶל הַמִּזְבֵּחַ:  כִּי קֹדֶשׁ קָדָשִׁים, הִוא. וּמַלֵּיל מֹשֶׁה עִם אַהֲרוֹן, וְעִם אֶלְעָזָר וְעִם אִיתָמָר בְּנוֹהִי דְּאִשְׁתְּאַרוּ, סַבוּ יָת מִנְחָתָא דְּאִשְׁתְּאַרַת מִקֻּרְבָּנַיָּא דַּייָ, וְאִכְלוּהָא פַּטִּיר בִּסְטַר מַדְבְּחָא:  אֲרֵי קֹדֶשׁ קֻדְשִׁין, הִיא.
י,יג וַאֲכַלְתֶּם אֹתָהּ, בְּמָקוֹם קָדוֹשׁ, כִּי חָקְךָ וְחָק-בָּנֶיךָ הִוא, מֵאִשֵּׁי יְהוָה:  כִּי-כֵן, צֻוֵּיתִי. וְתֵיכְלוּן יָתַהּ, בַּאֲתַר קַדִּישׁ, אֲרֵי חוּלָקָךְ וְחוּלָק בְּנָךְ הִיא, מִקֻּרְבָּנַיָּא דַּייָ:  אֲרֵי כֵּין, אִתְפַּקַּדִית.
י,יד וְאֵת חֲזֵה הַתְּנוּפָה וְאֵת שׁוֹק הַתְּרוּמָה, תֹּאכְלוּ בְּמָקוֹם טָהוֹר--אַתָּה, וּבָנֶיךָ וּבְנֹתֶיךָ אִתָּךְ:  כִּי-חָקְךָ וְחָק-בָּנֶיךָ נִתְּנוּ, מִזִּבְחֵי שַׁלְמֵי בְּנֵי יִשְׂרָאֵל. וְיָת חַדְיָא דַּאֲרָמוּתָא וְיָת שָׁקָא דְּאַפְרָשׁוּתָא, תֵּיכְלוּן בַּאֲתַר דְּכֵי--אַתְּ, וּבְנָךְ וּבְנָתָךְ עִמָּךְ:  אֲרֵי חוּלָקָךְ וְחוּלָק בְּנָךְ אִתְיְהִיבוּ, מִנִּכְסַת קֻדְשַׁיָּא דִּבְנֵי יִשְׂרָאֵל.
י,טו שׁוֹק הַתְּרוּמָה וַחֲזֵה הַתְּנוּפָה, עַל אִשֵּׁי הַחֲלָבִים יָבִיאוּ, לְהָנִיף תְּנוּפָה, לִפְנֵי יְהוָה; וְהָיָה לְךָ וּלְבָנֶיךָ אִתְּךָ, לְחָק-עוֹלָם, כַּאֲשֶׁר, צִוָּה יְהוָה. שָׁקָא דְּאַפְרָשׁוּתָא וְחַדְיָא דַּאֲרָמוּתָא, עַל קֻרְבָּנֵי תַּרְבַּיָּא יִתֵּיתוֹן, לְאָרָמָא אֲרָמָא, קֳדָם יְיָ; וִיהֵי לָךְ וְלִבְנָךְ עִמָּךְ, לִקְיָם עָלַם--כְּמָא דְּפַקֵּיד יְיָ.
י,טז וְאֵת שְׂעִיר הַחַטָּאת, דָּרֹשׁ דָּרַשׁ מֹשֶׁה--וְהִנֵּה שֹׂרָף; וַיִּקְצֹף עַל-אֶלְעָזָר וְעַל-אִיתָמָר, בְּנֵי אַהֲרֹן, הַנּוֹתָרִם, לֵאמֹר. וְיָת צְפִירָא דְּחַטָּתָא, מִתְבָּע תַּבְעֵיהּ מֹשֶׁה--וְהָא אִתּוֹקַד; וּרְגֵיז עַל אֶלְעָזָר וְעַל אִיתָמָר, בְּנֵי אַהֲרוֹן, דְּאִשְׁתְּאַרוּ, לְמֵימַר.
י,יז מַדּוּעַ, לֹא-אֲכַלְתֶּם אֶת-הַחַטָּאת בִּמְקוֹם הַקֹּדֶשׁ--כִּי קֹדֶשׁ קָדָשִׁים, הִוא; וְאֹתָהּ נָתַן לָכֶם, לָשֵׂאת אֶת-עֲו‍ֹן הָעֵדָה, לְכַפֵּר עֲלֵיהֶם, לִפְנֵי יְהוָה. מָדֵין, לָא אֲכַלְתּוּן יָת חַטָּתָא בַּאֲתַר קַדִּישׁ--אֲרֵי קֹדֶשׁ קֻדְשִׁין, הִיא; וְיָתַהּ יְהַב לְכוֹן, לְסַלָּחָא עַל חוֹבֵי כְּנִשְׁתָּא, לְכַפָּרָא עֲלֵיהוֹן, קֳדָם יְיָ.
י,יח הֵן לֹא-הוּבָא אֶת-דָּמָהּ, אֶל-הַקֹּדֶשׁ פְּנִימָה; אָכוֹל תֹּאכְלוּ אֹתָהּ בַּקֹּדֶשׁ, כַּאֲשֶׁר צִוֵּיתִי. הָא לָא אִתָּעַל מִדְּמַהּ, לְבֵית קֻדְשָׁא גַּוָּאָה; מֵיכָל תֵּיכְלוּן יָתַהּ בְּקֻדְשָׁא, כְּמָא דְּפַקֵּידִית.
י,יט וַיְדַבֵּר אַהֲרֹן אֶל-מֹשֶׁה, הֵן הַיּוֹם הִקְרִיבוּ אֶת-חַטָּאתָם וְאֶת-עֹלָתָם לִפְנֵי יְהוָה, וַתִּקְרֶאנָה אֹתִי, כָּאֵלֶּה; וְאָכַלְתִּי חַטָּאת הַיּוֹם, הַיִּיטַב בְּעֵינֵי יְהוָה. וּמַלֵּיל אַהֲרוֹן עִם מֹשֶׁה, הָא יוֹמָא דֵּין קָרִיבוּ יָת חַטָּוָתְהוֹן וְיָת עֲלָוָתְהוֹן קֳדָם יְיָ, וְעָרַעָא יָתִי, עָקָן כְּאִלֵּין; אִלּוּ פּוֹן אֲכַלִית חַטָּתָא יוֹמָא דֵּין, הֲתָקֵין קֳדָם יְיָ.
י,כ וַיִּשְׁמַע מֹשֶׁה, וַיִּיטַב בְּעֵינָיו.  {פ} וּשְׁמַע מֹשֶׁה, וּשְׁפַר בְּעֵינוֹהִי.  {פ}
יא,א וַיְדַבֵּר יְהוָה אֶל-מֹשֶׁה וְאֶל-אַהֲרֹן, לֵאמֹר אֲלֵהֶם. וּמַלֵּיל יְיָ עִם מֹשֶׁה וּלְאַהֲרוֹן, לְמֵימַר לְהוֹן.
יא,ב דַּבְּרוּ אֶל-בְּנֵי יִשְׂרָאֵל, לֵאמֹר:  זֹאת הַחַיָּה אֲשֶׁר תֹּאכְלוּ, מִכָּל-הַבְּהֵמָה אֲשֶׁר עַל-הָאָרֶץ. מַלִּילוּ עִם בְּנֵי יִשְׂרָאֵל, לְמֵימַר:  דָּא חַיְתָא דְּתֵיכְלוּן, מִכָּל בְּעִירָא דְּעַל אַרְעָא.
יא,ג כֹּל מַפְרֶסֶת פַּרְסָה, וְשֹׁסַעַת שֶׁסַע פְּרָסֹת, מַעֲלַת גֵּרָה, בַּבְּהֵמָה--אֹתָהּ, תֹּאכֵלוּ. כֹּל דִּסְדִיקָא פַּרְסְתַהּ, וּמַטְלְפָן טִלְפִין פַּרְסָתַהּ, מַסְּקָא פִּשְׁרָא, בִּבְעִירָא--יָתַהּ, תֵּיכְלוּן.
יא,ד אַךְ אֶת-זֶה, לֹא תֹאכְלוּ, מִמַּעֲלֵי הַגֵּרָה, וּמִמַּפְרִסֵי הַפַּרְסָה:  אֶת-הַגָּמָל כִּי-מַעֲלֵה גֵרָה הוּא, וּפַרְסָה אֵינֶנּוּ מַפְרִיס--טָמֵא הוּא, לָכֶם. בְּרַם יָת דֵּין, לָא תֵּיכְלוּן, מִמַּסְּקֵי פִּשְׁרָא, וּמִסְּדִיקֵי פַּרְסְתָא:  יָת גַּמְלָא אֲרֵי מַסֵּיק פִּשְׁרָא הוּא, וּפַרְסְתֵיהּ לָא סְדִיקָא--מְסָאַב הוּא, לְכוֹן.
יא,ה וְאֶת-הַשָּׁפָן, כִּי-מַעֲלֵה גֵרָה הוּא, וּפַרְסָה, לֹא יַפְרִיס; טָמֵא הוּא, לָכֶם. וְיָת טַבְזָא, אֲרֵי מַסֵּיק פִּשְׁרָא הוּא, וּפַרְסְתֵיהּ, לָא סְדִיקָא; מְסָאַב הוּא, לְכוֹן.
יא,ו וְאֶת-הָאַרְנֶבֶת, כִּי-מַעֲלַת גֵּרָה הִוא, וּפַרְסָה, לֹא הִפְרִיסָה; טְמֵאָה הִוא, לָכֶם. וְיָת אַרְנְבָא, אֲרֵי מַסְּקָא פִּשְׁרָא הִיא, וּפַרְסְתַהּ, לָא סְדִיקָא; מְסָאֲבָא הִיא, לְכוֹן.
יא,ז וְאֶת-הַחֲזִיר כִּי-מַפְרִיס פַּרְסָה הוּא, וְשֹׁסַע שֶׁסַע פַּרְסָה, וְהוּא, גֵּרָה לֹא-יִגָּר; טָמֵא הוּא, לָכֶם. וְיָת חֲזִירָא אֲרֵי סְדִיק פַּרְסְתָא הוּא, וּמַטְלְפָן טִלְפִין פַּרְסָתֵיהּ, וְהוּא, פִּשְׁרָא לָא פָּשַׁר; מְסָאַב הוּא, לְכוֹן.
יא,ח מִבְּשָׂרָם לֹא תֹאכֵלוּ, וּבְנִבְלָתָם לֹא תִגָּעוּ; טְמֵאִים הֵם, לָכֶם. מִבִּסְרְהוֹן לָא תֵּיכְלוּן, וּבִנְבִילַתְהוֹן לָא תִּקְרְבוּן; מְסָאֲבִין אִנּוּן, לְכוֹן.
יא,ט אֶת-זֶה, תֹּאכְלוּ, מִכֹּל, אֲשֶׁר בַּמָּיִם:  כֹּל אֲשֶׁר-לוֹ סְנַפִּיר וְקַשְׂקֶשֶׂת בַּמַּיִם, בַּיַּמִּים וּבַנְּחָלִים--אֹתָם תֹּאכֵלוּ. יָת דֵּין, תֵּיכְלוּן, מִכֹּל, דִּבְמַיָּא:  כֹּל דְּלֵיהּ צִיצִין וְקַלְפִין בְּמַיָּא, בְּיַמְמַיָּא וּבְנַחְלַיָּא--יָתְהוֹן תֵּיכְלוּן.
יא,י וְכֹל אֲשֶׁר אֵין-לוֹ סְנַפִּיר וְקַשְׂקֶשֶׂת, בַּיַּמִּים וּבַנְּחָלִים, מִכֹּל שֶׁרֶץ הַמַּיִם, וּמִכֹּל נֶפֶשׁ הַחַיָּה אֲשֶׁר בַּמָּיִם--שֶׁקֶץ הֵם, לָכֶם. וְכֹל דְּלֵית לֵיהּ צִיצִין וְקַלְפִין, בְּיַמְמַיָּא וּבְנַחְלַיָּא, מִכֹּל רִחְשָׁא דְּמַיָּא, וּמִכֹּל נַפְשָׁא חַיְתָא דִּבְמַיָּא--שִׁקְצָא אִנּוּן, לְכוֹן.
יא,יא וְשֶׁקֶץ, יִהְיוּ לָכֶם; מִבְּשָׂרָם לֹא תֹאכֵלוּ, וְאֶת-נִבְלָתָם תְּשַׁקֵּצוּ. וְשִׁקְצָא, יְהוֹן לְכוֹן; מִבִּסְרְהוֹן לָא תֵּיכְלוּן, וְיָת נְבִילַתְהוֹן תְּשַׁקְּצוּן.
יא,יב כֹּל אֲשֶׁר אֵין-לוֹ סְנַפִּיר וְקַשְׂקֶשֶׂת, בַּמָּיִם--שֶׁקֶץ הוּא, לָכֶם. כֹּל דְּלֵית לֵיהּ צִיצִין וְקַלְפִין, בְּמַיָּא--שִׁקְצָא הוּא, לְכוֹן.
יא,יג וְאֶת-אֵלֶּה תְּשַׁקְּצוּ מִן-הָעוֹף, לֹא יֵאָכְלוּ שֶׁקֶץ הֵם:  אֶת-הַנֶּשֶׁר, וְאֶת-הַפֶּרֶס, וְאֵת, הָעָזְנִיָּה. וְיָת אִלֵּין תְּשַׁקְּצוּן מִן עוֹפָא, לָא יִתְאַכְלוּן שִׁקְצָא אִנּוּן:  נִשְׁרָא, וְעָר--וְעָזְיָא.
יא,יד וְאֶת-הַדָּאָה--וְאֶת-הָאַיָּה, לְמִינָהּ. וְדַיְתָא--וְטָרָפִיתָא, לִזְנַהּ.
יא,טו אֵת כָּל-עֹרֵב, לְמִינוֹ. יָת כָּל עוֹרְבָא, לִזְנֵיהּ.
יא,טז וְאֵת בַּת הַיַּעֲנָה, וְאֶת-הַתַּחְמָס וְאֶת-הַשָּׁחַף; וְאֶת-הַנֵּץ, לְמִינֵהוּ. וְיָת בַּת נַעָמִיתָא, וְצִיצָא וְצִפַּר שַׁחְפָּא; וְנַצָּא, לִזְנוֹהִי.
יא,יז וְאֶת-הַכּוֹס וְאֶת-הַשָּׁלָךְ, וְאֶת-הַיַּנְשׁוּף. וְקָדְיָא וְשָׁלֵינוּנָא, וְקִפּוּפָא.
יא,יח וְאֶת-הַתִּנְשֶׁמֶת וְאֶת-הַקָּאָת, וְאֶת-הָרָחָם. וּבָוְתָא וְקָתָא, וִירַקְרֵיקָא.
יא,יט וְאֵת, הַחֲסִידָה, הָאֲנָפָה, לְמִינָהּ; וְאֶת-הַדּוּכִיפַת, וְאֶת-הָעֲטַלֵּף. וְחָוָרִיתָא--וְאִבּוֹ, לִזְנַהּ; וְנַגָּר טוּרָא, וַעֲטַלֵּיפָא.
יא,כ כֹּל שֶׁרֶץ הָעוֹף, הַהֹלֵךְ עַל-אַרְבַּע--שֶׁקֶץ הוּא, לָכֶם. כֹּל רִחְשָׁא דְּעוֹפָא, דִּמְהַלֵּיךְ עַל אַרְבַּע--שִׁקְצָא הוּא, לְכוֹן.
יא,כא אַךְ אֶת-זֶה, תֹּאכְלוּ, מִכֹּל שֶׁרֶץ הָעוֹף, הַהֹלֵךְ עַל-אַרְבַּע:  אֲשֶׁר-לא (לוֹ) כְרָעַיִם מִמַּעַל לְרַגְלָיו, לְנַתֵּר בָּהֵן עַל-הָאָרֶץ. בְּרַם יָת דֵּין, תֵּיכְלוּן, מִכֹּל רִחְשָׁא דְּעוֹפָא, דִּמְהַלֵּיךְ עַל אַרְבַּע:  דְּלֵיהּ קַרְסֻלִּין מֵעִלָּוֵי רַגְלוֹהִי, לְקַפָּצָא בְּהוֹן עַל אַרְעָא.
יא,כב אֶת-אֵלֶּה מֵהֶם, תֹּאכֵלוּ--אֶת-הָאַרְבֶּה לְמִינוֹ, וְאֶת-הַסָּלְעָם לְמִינֵהוּ; וְאֶת-הַחַרְגֹּל לְמִינֵהוּ, וְאֶת-הֶחָגָב לְמִינֵהוּ. יָת אִלֵּין מִנְּהוֹן, תֵּיכְלוּן--יָת גּוֹבָא לִזְנֵיהּ, וְיָת רָשׁוֹנָא לִזְנוֹהִי; וְיָת חַרְגְּלָא לִזְנוֹהִי, וְיָת חַגְבָּא לִזְנוֹהִי.
יא,כג וְכֹל שֶׁרֶץ הָעוֹף, אֲשֶׁר-לוֹ אַרְבַּע רַגְלָיִם--שֶׁקֶץ הוּא, לָכֶם. וְכֹל רִחְשָׁא דְּעוֹפָא, דְּלֵיהּ אַרְבַּע רַגְלִין--שִׁקְצָא הוּא, לְכוֹן.
יא,כד וּלְאֵלֶּה, תִּטַּמָּאוּ; כָּל-הַנֹּגֵעַ בְּנִבְלָתָם, יִטְמָא עַד-הָעָרֶב. וּלְאִלֵּין, תִּסְתָּאֲבוּן; כָּל דְּיִקְרַב בִּנְבִילַתְהוֹן, יְהֵי מְסָאַב עַד רַמְשָׁא.
יא,כה וְכָל-הַנֹּשֵׂא, מִנִּבְלָתָם--יְכַבֵּס בְּגָדָיו, וְטָמֵא עַד-הָעָרֶב. וְכָל דְּיִטּוֹל, מִנְּבִילַתְהוֹן--יְצַבַּע לְבוּשׁוֹהִי, וִיהֵי מְסָאַב עַד רַמְשָׁא.
יא,כו לְכָל-הַבְּהֵמָה אֲשֶׁר הִוא מַפְרֶסֶת פַּרְסָה וְשֶׁסַע אֵינֶנָּה שֹׁסַעַת, וְגֵרָה אֵינֶנָּה מַעֲלָה--טְמֵאִים הֵם, לָכֶם; כָּל-הַנֹּגֵעַ בָּהֶם, יִטְמָא. לְכָל בְּעִירָא דְּהִיא סְדִיקָא פַּרְסְתַהּ וְטִלְפִין לָיְתַהָא מַטְלְפָא, וּפִשְׁרָא לָיְתַהָא מַסְּקָא--מְסָאֲבִין אִנּוּן, לְכוֹן; כָּל דְּיִקְרַב בְּהוֹן, יְהֵי מְסָאַב.
יא,כז וְכֹל הוֹלֵךְ עַל-כַּפָּיו, בְּכָל-הַחַיָּה הַהֹלֶכֶת עַל-אַרְבַּע--טְמֵאִים הֵם, לָכֶם; כָּל-הַנֹּגֵעַ בְּנִבְלָתָם, יִטְמָא עַד-הָעָרֶב. וְכֹל דִּמְהַלֵּיךְ עַל יְדוֹהִי, בְּכָל חַיְתָא דִּמְהַלְּכָא עַל אַרְבַּע--מְסָאֲבִין אִנּוּן, לְכוֹן; כָּל דְּיִקְרַב בִּנְבִילַתְהוֹן, יְהֵי מְסָאַב עַד רַמְשָׁא.
יא,כח וְהַנֹּשֵׂא, אֶת-נִבְלָתָם--יְכַבֵּס בְּגָדָיו, וְטָמֵא עַד-הָעָרֶב; טְמֵאִים הֵמָּה, לָכֶם.  {ס} וּדְיִטּוֹל, יָת נְבִילַתְהוֹן--יְצַבַּע לְבוּשׁוֹהִי, וִיהֵי מְסָאַב עַד רַמְשָׁא; מְסָאֲבִין אִנּוּן, לְכוֹן.  {ס}
יא,כט וְזֶה לָכֶם הַטָּמֵא, בַּשֶּׁרֶץ הַשֹּׁרֵץ עַל-הָאָרֶץ:  הַחֹלֶד וְהָעַכְבָּר, וְהַצָּב לְמִינֵהוּ. וְדֵין לְכוֹן דִּמְסָאַב, בְּרִחְשָׁא דְּרָחֵישׁ עַל אַרְעָא:  חֻלְדָּא וְעַכְבְּרָא, וְצַבָּא לִזְנוֹהִי.
יא,ל וְהָאֲנָקָה וְהַכֹּחַ, וְהַלְּטָאָה; וְהַחֹמֶט, וְהַתִּנְשָׁמֶת. וְיַלָּא וְכוֹחָא, וְהַלְטְתָא; וְחֻמְטָא, וְאָשׁוּתָא.
יא,לא אֵלֶּה הַטְּמֵאִים לָכֶם, בְּכָל-הַשָּׁרֶץ; כָּל-הַנֹּגֵעַ בָּהֶם בְּמֹתָם, יִטְמָא עַד-הָעָרֶב. אִלֵּין דִּמְסָאֲבִין לְכוֹן, בְּכָל רִחְשָׁא; כָּל דְּיִקְרַב בְּהוֹן בְּמוֹתְהוֹן, יְהֵי מְסָאַב עַד רַמְשָׁא.
יא,לב וְכֹל אֲשֶׁר-יִפֹּל-עָלָיו מֵהֶם בְּמֹתָם יִטְמָא, מִכָּל-כְּלִי-עֵץ אוֹ בֶגֶד אוֹ-עוֹר אוֹ שָׂק, כָּל-כְּלִי, אֲשֶׁר-יֵעָשֶׂה מְלָאכָה בָּהֶם; בַּמַּיִם יוּבָא וְטָמֵא עַד-הָעֶרֶב, וְטָהֵר. וְכֹל דְּיִפּוֹל עֲלוֹהִי מִנְּהוֹן בְּמוֹתְהוֹן יְהֵי מְסָאַב, מִכָּל מָן דְּאָע אוֹ לְבוּשׁ אוֹ מְשַׁךְ אוֹ שָׂק, כָּל מָן, דְּיִתְעֲבֵיד עֲבִידָא בְּהוֹן; בְּמַיָּא יִתָּעַל וִיהֵי מְסָאַב עַד רַמְשָׁא, וְיִדְכֵּי.
יא,לג וְכָל-כְּלִי-חֶרֶשׂ--אֲשֶׁר-יִפֹּל מֵהֶם, אֶל-תּוֹכוֹ:  כֹּל אֲשֶׁר בְּתוֹכוֹ יִטְמָא, וְאֹתוֹ תִשְׁבֹּרוּ. וְכָל מָן דַּחֲסַף--דְּיִפּוֹל מִנְּהוֹן, לְגַוֵּיהּ:  כֹּל דִּבְגַוֵּיהּ יִסְתָּאַב, וְיָתֵיהּ תִּתְבְּרוּן.
יא,לד מִכָּל-הָאֹכֶל אֲשֶׁר יֵאָכֵל, אֲשֶׁר יָבוֹא עָלָיו מַיִם--יִטְמָא; וְכָל-מַשְׁקֶה אֲשֶׁר יִשָּׁתֶה, בְּכָל-כְּלִי יִטְמָא. מִכָּל מֵיכָל דְּמִתְאֲכִיל, דְּיֵיעֲלוּן עֲלוֹהִי מַיָּא--יְהֵי מְסָאַב; וְכָל מַשְׁקְיָא דְּיִשְׁתְּתֵי, בְּכָל מָן יְהֵי מְסָאַב.
יא,לה וְכֹל אֲשֶׁר-יִפֹּל מִנִּבְלָתָם עָלָיו, יִטְמָא--תַּנּוּר וְכִירַיִם יֻתָּץ, טְמֵאִים הֵם; וּטְמֵאִים, יִהְיוּ לָכֶם. וְכֹל דְּיִפּוֹל מִנְּבִילַתְהוֹן עֲלוֹהִי, יְהֵי מְסָאַב--תַּנּוּר וְכִירַיִם יִתָּרְעוּן, מְסָאֲבִין אִנּוּן; וּמְסָאֲבִין, יְהוֹן לְכוֹן.
יא,לו אַךְ מַעְיָן וּבוֹר מִקְוֵה-מַיִם, יִהְיֶה טָהוֹר; וְנֹגֵעַ בְּנִבְלָתָם, יִטְמָא. בְּרַם מַעְיָן וְגוּב בֵּית כְּנֵישַׁת מַיָּא, יְהֵי דְּכֵי; וּדְיִקְרַב בִּנְבִילַתְהוֹן, יְהֵי מְסָאַב.
יא,לז וְכִי יִפֹּל מִנִּבְלָתָם, עַל-כָּל-זֶרַע זֵרוּעַ אֲשֶׁר יִזָּרֵעַ--טָהוֹר, הוּא. וַאֲרֵי יִפּוֹל מִנְּבִילַתְהוֹן, עַל כָּל בַּר זְרַע זֵירוּעַ דְּיִזְדְּרַע--דְּכֵי, הוּא.
יא,לח וְכִי יֻתַּן-מַיִם עַל-זֶרַע, וְנָפַל מִנִּבְלָתָם עָלָיו--טָמֵא הוּא, לָכֶם.  {ס} וַאֲרֵי יִתְיַהְבּוּן מַיָּא עַל בַּר זַרְעָא, וְיִפּוֹל מִנְּבִילַתְהוֹן עֲלוֹהִי--מְסָאַב הוּא, לְכוֹן.  {ס}
יא,לט וְכִי יָמוּת מִן-הַבְּהֵמָה, אֲשֶׁר-הִיא לָכֶם לְאָכְלָה--הַנֹּגֵעַ בְּנִבְלָתָהּ, יִטְמָא עַד-הָעָרֶב. וַאֲרֵי יְמוּת מִן בְּעִירָא, דְּהִיא לְכוֹן לְמֵיכַל--דְּיִקְרַב בִּנְבִילְתַהּ, יְהֵי מְסָאַב עַד רַמְשָׁא.
יא,מ וְהָאֹכֵל, מִנִּבְלָתָהּ--יְכַבֵּס בְּגָדָיו, וְטָמֵא עַד-הָעָרֶב; וְהַנֹּשֵׂא, אֶת-נִבְלָתָהּ--יְכַבֵּס בְּגָדָיו, וְטָמֵא עַד-הָעָרֶב. וּדְיֵיכוֹל, מִנְּבִילְתַהּ--יְצַבַּע לְבוּשׁוֹהִי, וִיהֵי מְסָאַב עַד רַמְשָׁא; וּדְיִטּוֹל, יָת נְבִילְתַהּ--יְצַבַּע לְבוּשׁוֹהִי, וִיהֵי מְסָאַב עַד רַמְשָׁא.
יא,מא וְכָל-הַשֶּׁרֶץ, הַשֹּׁרֵץ עַל-הָאָרֶץ--שֶׁקֶץ הוּא, לֹא יֵאָכֵל. וְכָל רִחְשָׁא, דְּרָחֵישׁ עַל אַרְעָא--שִׁקְצָא הוּא, לָא יִתְאֲכִיל.
יא,מב כֹּל הוֹלֵךְ עַל-גָּחוֹן וְכֹל הוֹלֵךְ עַל-אַרְבַּע, עַד כָּל-מַרְבֵּה רַגְלַיִם, לְכָל-הַשֶּׁרֶץ, הַשֹּׁרֵץ עַל-הָאָרֶץ--לֹא תֹאכְלוּם, כִּי-שֶׁקֶץ הֵם. כֹּל דִּמְהַלֵּיךְ עַל מְעוֹהִי וְכֹל דִּמְהַלֵּיךְ עַל אַרְבַּע, עַד כָּל סַגְיוּת רַגְלִין, לְכָל רִחְשָׁא, דְּרָחֵישׁ עַל אַרְעָא--לָא תֵּיכְלוּנוּנוּן, אֲרֵי שִׁקְצָא אִנּוּן.
יא,מג אַל-תְּשַׁקְּצוּ, אֶת-נַפְשֹׁתֵיכֶם, בְּכָל-הַשֶּׁרֶץ, הַשֹּׁרֵץ; וְלֹא תִטַּמְּאוּ בָּהֶם, וְנִטְמֵתֶם בָּם. לָא תְּשַׁקְּצוּן, יָת נַפְשָׁתְכוֹן, בְּכָל רִחְשָׁא, דְּרָחֵישׁ; וְלָא תִּסְתָּאֲבוּן בְּהוֹן, וְתִסְתָּאֲבוּן פּוֹן בְּהוֹן.
יא,מד כִּי אֲנִי יְהוָה, אֱלֹהֵיכֶם, וְהִתְקַדִּשְׁתֶּם וִהְיִיתֶם קְדֹשִׁים, כִּי קָדוֹשׁ אָנִי; וְלֹא תְטַמְּאוּ אֶת-נַפְשֹׁתֵיכֶם, בְּכָל-הַשֶּׁרֶץ הָרֹמֵשׂ עַל-הָאָרֶץ. אֲרֵי אֲנָא יְיָ, אֱלָהֲכוֹן, וְתִתְקַדְּשׁוּן וּתְהוֹן קַדִּישִׁין, אֲרֵי קַדִּישׁ אֲנָא; וְלָא תְּסָאֲבוּן יָת נַפְשָׁתְכוֹן, בְּכָל רִחְשָׁא דְּרָחֵישׁ עַל אַרְעָא.
יא,מה כִּי אֲנִי יְהוָה, הַמַּעֲלֶה אֶתְכֶם מֵאֶרֶץ מִצְרַיִם, לִהְיֹת לָכֶם, לֵאלֹהִים; וִהְיִיתֶם קְדֹשִׁים, כִּי קָדוֹשׁ אָנִי. אֲרֵי אֲנָא יְיָ, דְּאַסֵּיק יָתְכוֹן מֵאַרְעָא דְּמִצְרַיִם, לְמִהְוֵי לְכוֹן, לֶאֱלָהּ; וּתְהוֹן קַדִּישִׁין, אֲרֵי קַדִּישׁ אֲנָא.
יא,מו זֹאת תּוֹרַת הַבְּהֵמָה, וְהָעוֹף, וְכֹל נֶפֶשׁ הַחַיָּה, הָרֹמֶשֶׂת בַּמָּיִם; וּלְכָל-נֶפֶשׁ, הַשֹּׁרֶצֶת עַל-הָאָרֶץ. דָּא אוֹרָיְתָא דִּבְעִירָא, וּדְעוֹפָא, וּלְכֹל נַפְשָׁא חַיְתָא, דְּרָחֲשָׁא בְּמַיָּא; וּלְכָל נַפְשָׁא, דְּרָחֲשָׁא עַל אַרְעָא.
יא,מז לְהַבְדִּיל, בֵּין הַטָּמֵא וּבֵין הַטָּהֹר; וּבֵין הַחַיָּה, הַנֶּאֱכֶלֶת, וּבֵין הַחַיָּה, אֲשֶׁר לֹא תֵאָכֵל.  {פ} לְאַפְרָשָׁא, בֵּין מְסָאֲבָא וּבֵין דָּכְיָא; וּבֵין חַיְתָא, דְּמִתְאַכְלָא, וּבֵין חַיְתָא, דְּלָא מִתְאַכְלָא.  {פ}